象牙海岸內戰陰謀論
Added 2019-03-14 05:47:27 +0000 UTC親身去到每一個地方，好玩嘅地方就係你會發現當地有好多隱形歷史，話說尋日來到西非沿岸國家象牙海岸，同當地導遊傾開呢度幾和平喎好似近代都冇內戰。佢就同我講：「唔係呀！2002年同2010年發生過兩次內戰㗎！」真係冇乜國際新聞講過，之後導遊就同我講其實這次內戰背後策劃陰謀者，在他們當地人眼中，並非西方國家形容北部的武裝分子，而是法國政府自己！聽得我一頭霧水！法國政府飛到佢哋前殖民地搞軍事政變之後又詐詐諦諦飛過嚟平息？導遊有同我解釋因為之前佢哋個總統，曾經嘗試成立自己嘅貨幣，脫離西非法郞，要知道西非法郎，本身就係源於昔日法國殖民地西非共同體，整個經濟體系其實就係控制於法國，象牙海岸總統想改變呢個超過半個世紀嘅關係利益網絡，於是乎就靜靜雞派兵假扮武裝分子對象牙海岸進行內部分裂！導遊同我講呢個版本你係外邊國際間一定唔會同你咁講㗎，但我哋象牙海岸嘅人就知道咩事！而且佢舉左個例子，當我地參觀博物館嘅時候，佢就話若果真係純粹武裝分子搞內戰，點解內戰嘅時候有法國軍人會去到博物館將好多重要嘅文物偷走運去巴黎呢？！內戰都係自己國民嘅人唔通會將自己國寶運去法國？！所以佢哋更加肯定策劃整個陰謀嘅就係法國政府本身！所以你話呢呢個世界邊有正義㗎！
