九龍不敗
Added 2019-06-27 01:04:49 +0000 UTC九龍不敗（影評）
講真，今次自己俾錢入戲院睇呢套電影，都唔係為咗支持港產片㗎啦！因為已經支持唔住好多年！係純粹因為好想睇周國賢！首先我極度不滿，點解可以作為一個重要嘅配角，中途就已經比賊一槍打死！佢死果下我都相當憤怒！😂因為成個故事設定大把警察係當事，點解死嗰個要係佢啦！第二張晉先生啲拳腳其實真係麻麻，論靚仔佢唔靚仔、論有型佢唔有型、論打得佢唔打得，咁點解故事設定要將一個警察塑造成要打得啦？又要扮成龍警察故事，out左10世啦！個編劇當然有問題啦！個編劇都係我老友林紀陶，首先我認為若果係一套爛嘅港產片我都接受到，但我接受唔到嘅事你無啦啦作左條九頭龍出嚟係個海底游嚟游去變咗神仙童話故事，仲要最後幫手破案，我頂你個肺，你就超越晒所有爛港產片啦！拍呢條片嘅天馬公司覺得冇問題果下好野！九頭龍都出得，唔爭在飛隻獨角獸出嚟啦！而且罪犯犯案嘅前因後果，真係荒謬到一個點！紀陶，你認真啲得唔得？！完！
