二十幾年相識？！
Added 2021-07-22 01:40:10 +0000 UTC話說早幾日突然間有個完全唔知咩名嘅人add我personal Facebook，咁我又好有禮貌問佢：「我係咪識你㗎？」之後佢同我講：「我係高飛呀！」
我當堂傻咗！因為呢個名對我來講都幾重要，首先我認識一個30年嘅前好朋友：女高飛！佢係政府某部門嘅中高層，真係2019年突然間同我哋所有認識嘅人反晒面，退group，unfriend 咁我理解嘅，以後都唔使再做朋友啦！咁冇可能係佢用另一個人嘅名再add 我！
另一個都係30幾年嘅前朋友：男高飛！呢個我曾經好相熟，離開教會之後大家再見面嘅時候都短時間相處過，但係後來發現佢嘅心態完全變晒，而且有呃錢嘅傾向，我就逐漸疏遠，都10幾年冇見，又唔似係佢喎！
點知呢個add我嘅高飛話係當年香港電台ladies‘night papaja嘅節目PA ！ ！ ！我真係諗咗好耐好耐，我係一啲印象都冇，有咁嘅人存在過我完全唔記得，莫講話個樣完全係零！而且我喺度諗呢個節目都二十幾年前， 90年代尾，期間我同呢個人完全冇交往過，包括電話，突然間扮到好似同我好熟咁，免啦！ 呢個年代20幾年冇聯絡，就不可能係有交往有交情，拜拜！
