【隨緣家書超短篇】 不能說肥的虛偽
Added 2025-12-29 23:01:01 +0000 UTC在西方社會，很多消費都圍繞著瘦身，或起碼是健康生活。但與此同時，卻又對「肥」這個字眼，有諸多禁忌。
例如英國的健身俱樂部很多，營養師很普遍，廣告依然標榜男女身型。特別是在社交媒體，汗牛充棟的健身照，會令一般人都感受到非瘦不可的壓力。
在大大小小餐廳，不少餐牌都會計算好每一道菜式的卡路里，方便健身人士專用。很多菜式都是度身定制的「健康餐」，同時有「正常版」和「健康版」，這幾乎已是日常生活一部份。
有趣的是，近年隨著政治正確風氣大盛，卻又變得不能直接說一個「肥」字，因為「fat」已經被視為不尊重的貶義詞。至於「obesity」，更可能直接進入「hate speech」的範疇，甚至可能有人感覺被冒犯，就會報警。
根據政治正確指引，要說身體比較「大體積」，「可以說」的是 plus-sized，或 well-padded，但依然要看接收者的主觀判斷。如果言者就算很有心迴避，聽者還是有意，依然會被歸類為 offensive。
歧視自然不對。但如果說出任何形式的差異都不能，同時生活中其實所有人都知道一切，只是不能開口，那卻是帶有病態。
一個社會同時存在這兩種風氣，提倡瘦身，但又不可以說肥胖，加在一起，多少令人變得虛偽。
Comments
所以如何本質上提升自己，從來比形式上迴避字詞重要
堅離地書院 College
2026-01-11 14:28:29 +0000 UTC台灣有啲似日本文化，好少直接say no，之前講過，「還好」就是「不好」
堅離地書院 College
2026-01-11 14:27:24 +0000 UTC基本上任何形容詞，日常生活都已經好少用，但唔代表骨子裏真係有改變，只係 presentation 方式唔同左
堅離地書院 College
2026-01-11 14:26:29 +0000 UTC應該表達尊重和有同理心，問題是每人表達方式不一樣，基準很難 standardize
堅離地書院 College
2026-01-11 13:54:25 +0000 UTC所以用字詞來一刀切，就會變成形式主義和被濫用的基準。
堅離地書院 College
2026-01-11 13:53:33 +0000 UTC係歐洲生活多年，從來無聽過有人話人肥。好熟的朋友都唔會講。就算係obese都唔會提半句。算係文化差異吧。感覺西方自由主義，各人鍾意點就點，唔接受旁人評頭品足
James Green
2026-01-02 10:50:06 +0000 UTC但都係睇説話者的語氣同態度, 有時係只係說出事實, 亦有時係攻擊性. 當社會只係批評嘅態度去攻擊人嘅身形, 都唔係一件constructive嘅事, 而係帶嚟更多歧視. 我又覺得rewording都係一種改變大眾觀念和態度, for example關愛座都唔會叫為老人座?因為真係有啲唔尊重。
S K
2025-12-31 05:51:54 +0000 UTC現實常識就係肥就係肥，瘦就係瘦。當需要準確嘅時候就一定要用字清晰易明，咁樣先唔會出事，尤其工作及科學應用上。含蓄或帶詩意嘅情況，先用返呢啲籠統蒙糊嘅用字。 用字遣詞就係自身教養及文化延伸，可表達其人品位。談吐得差就顯其修養不夠；顧人感受言不他人痛處，乃其道行高。根本無需立法禁止（除恐嚇、誣捏和種族滅絕外） 唔通唔講個肥字，就代表肥唔存在，認同其中一位會員所講，今日禁個肥字，他日又會禁另一同義詞，根本沒完沒了。做人就係要止恥近乎勇，去better me。 PS:高市唔係唔識用婉轉嘅方法去表達台灣論，係要清晰表達立場，尤其對方係深圳河以北嘅政權，更加直接，去俾信心盟友（不論灣灣or美帝）和向日本國民表明立場，當然政治局勢發展，係有不同應對方法，今次高市係做得好漂亮，提升民望後就可修憲，賭得好正確。
Pierre
2025-12-30 13:42:59 +0000 UTC所有人都不完美，每個人或多或少都有些缺點。因此，說話比較婉轉一點不單止沒有問題，而且能令聽者覺得被尊重。委婉語自古以來都有。為什麼？就是因為委婉語像潤滑劑一樣，能減少摩擦。君不見高市早苗並沒有說錯話，只是說得太直接。因此，讓中國有藉口興師問罪。所以我們教育下一代時，必須教導他們使用委婉語，讓他們知道「崩口人忌崩口碗」。
AC
2025-12-30 11:34:18 +0000 UTC語言有客觀嘅陳述，亦有主觀嘅睇法。話到口邊留幾句，理從是處讓三分唔算說非成是吧。 西方新一代社會將肥同樣衰歸類為先天不可改變而對他人沒有害。所以對陌生人不會隨便話人肥或者樣衰。因為對方都唔想。
Bryan Chan
2025-12-30 03:41:47 +0000 UTC比如日本文化語言之間對負面字詞通常非常婉委，結果通縮到いええ(no) 都好少會直接講。 一個語言文化偏向直接或者婉委只可以入鄉隨俗，不能照搬字典。再過幾十年，又會有其他形容肥嘅字眼被覺得冒犯。
Bryan Chan
2025-12-30 03:33:28 +0000 UTC其中延申的問題是，新生代對於何謂冒犯，何謂講事實，怎樣的價值觀才是正確就會變得好模糊。有時說非成是，反而好像才是正確，有時想提出事實，又會被標籤。失去價值觀的合理判斷，未來的世界會變成怎樣？
MZ
2025-12-30 02:20:23 +0000 UTC由細到大都被笑肥既人只可以講, 你覺得自己被歧視, 其實你係唔係歧視緊自己? 本人都好肥...都真係要減肥
Good Year
2025-12-30 01:50:59 +0000 UTC
