【突發時空🇨🇳🇭🇰】螞蟻末世盛宴
Added 2020-10-29 04:16:00 +0000 UTC
過去一年，寫過不少文章，關於香港對中國的剩餘價值，其中一大重點，就是作為「二次上市」平台，一個既可以變相「印刷」廉價美元、又不用擔心影響內地外匯管治、同時不受美國監管的奇怪工具。但同時也多次強調，如此取巧的工具，在今天的國際政治氣候，是不可能長久的。
今天，螞蟻抽股忽然成為熱話，香港彷彿回到八十年代炒股魚翅撈飯的日子。《華爾街日報》如此描述：
「全民打新螞蟻，熱錢湧入香港。香港市民Sara：今天搶螞蟻都搶瘋了，為了搶到，有朋友就讓全家人去開戶，對比哪裡的便宜，然後一起申請。一大早，就等著券商公佈可以申請的融資份額，有的網站都堵塞了，電話也被打爆了。
螞蟻集團（06688.HK）登陸港交所，一場“打新盛宴”在股民當中掀起，而在“分享”財富的同時，也帶來了另外一個結果——市場對於港元需求的驟增。面對這種情況，香港金管局不得不連續干預港元匯率，10月以來，其已向市場注入了超過1000億港元。實際上，不僅是螞蟻集團，隨著大量中概股陸續在港交所二次上市，資金加速湧入香港，對於港元的需求早已在持續攀升......」
這次螞蟻在香港、上海上市，宣傳不惜工本。坦白說，他們也有接觸我的專頁賣廣告，我沒有回應不是因為潔癖、不愛錢，而是覺得在依然水深火熱的香港，傳遞這類訊息，情感上過不去。但在北京眼中，香港已是「done case」，而且二次上市已經成為一個「模式」：即使是去年運動最熾熱的一刻，阿里巴巴還是成功在香港二次上市，證明香港市場的運作，已經完完全全和「地理香港」、「物質香港」、「香港人」都無關。
現在「二次回歸」，一切變本加厲，未來一年，二次上市的陣容肯定非常誇張，金融界也以末日的心態，渴望在香港賺完最後一毛錢。
這模式能否永續，其實重點只有一個：美國是否容許。究竟美國覺得保留香港這個「二次上市」窗口，是否對自己也有暴利？還是作為打擊中國的一個漏洞？假如美國覺得有問題，有數十種制裁方式，可以令香港金融中心地位蕩然無存。但假如高高舉起、輕輕放下，北京的整個算盤，也就完全打響。
拜登多次表明，貿易戰不是他那杯茶，相信他的團隊，也不會進行上述大動作。特朗普有意做一些大動作，雖然不似對新制度有具體規劃，但起碼可能破立。這時候，螞蟻神話出現了，究竟有多少美國人關注？又有多少人看到對未來的啟示？
Comments
小時候不時聽到乜乜公司借殼上市，估唔到而家係中央借香港呢個殼黎二次上市。誠如沈教授說，中央需要香港，但不需要香港人，所以阿里等在香港人?動盪時無視地上市。香港人曾載著白手套，用那纖纖玉手，左右逢源；如今，套已破，手已殘，敢問，香港人還有什麼世界價值？
Ben
2020-11-08 01:44:53 +0000 UTC香港兩次大型IPQ臨門撻Q - 領匯 VS 螞蟻 前者主因是due diligence + 程序公義 後者似乎是官員意志, 比較這兩個個案的文章,應該很有趣
. Leung
2020-11-04 02:08:54 +0000 UTCMostly agree....螞蟻個氣氛有D係煲出黎, 不過睇近兩個月流入的熱錢, 有1-2000億係因為螞蟻又唔奇, btw, 主要係覺得有D係結構性趨勢, 例如歐美日QE好難停, 資金多係必然, 但歐洲日本已經負息, 美國債息都好低, 好多pension fund攞咗錢都要搵地方投資, 中國變咗一種" 選擇", 息率唔算太低同時風險又無東南亞地區咁高..
Yu Yu
2020-10-31 18:16:07 +0000 UTC今朝睇左一段羅家聰訪問，18:00 之後開始講武肺集資，從而講埋香港經濟，幾好睇。最尾果句先精彩。 https://www.youtube.com/watch?v=koqpMTw_dVg&fbclid=IwAR3bEmS4XrVUeOZMWWmddXaM0RiBtGKCL7NYbyToxjFcm7FsSYzNGFg0GvA
Gary Lee
2020-10-30 04:00:13 +0000 UTC其實high risk 無return。到現在由整圍塲到中美貿易協議談判，無一單完工。北韓今天都是無進展
Eric lin
2020-10-29 21:48:44 +0000 UTC其實佢兩個係0分別 重點係選民 用口係帝強項 正如貿易戰影響其實好長遠 要身處其中先知 有朋友做廠 鬼佬cut 哂order 話 你唔會簡一個週之無日我有機會比人加稅既地方做supply chain既一部份 而且當你計算成本 總唔能夠唔計落去
Good Year
2020-10-29 20:24:27 +0000 UTC其實教授講既係長錢 抽阿里 螞蟻係短錢 今天係咁明天可以完全不同 香港一早已經大賭場 問題係下任總統登埸後 點處理 而又中國經濟本身仲有無紅利分比呢D熱錢 先係重點所在 正如hsbc 好似好好 其實返緊reserve 既時候 一切都不一樣
Good Year
2020-10-29 20:05:58 +0000 UTC正如香港人買美股 美國人更多有睇外國股市
Good Year
2020-10-29 19:59:14 +0000 UTC資金可不是咁簡單 所謂外國投資者 都有很多不同原因 最大的熱錢重來是快來快走 擇肥而噬 令香港變成睹場 至於你講既信任投票睇既係FDI 不是短錢流動
Good Year
2020-10-29 19:58:00 +0000 UTC如果國際關係幫到投資，咁依個界別既學者發哂達了
Glvr
2020-10-29 15:41:08 +0000 UTC😂我講果種high risk係買option果種，有機會輸凸要補倉果種，Btw，呢度涉及太多評估判斷，包括中美現時國力，兩人政策對美國國力影響等判斷
Yu Yu
2020-10-29 13:08:17 +0000 UTCHigh risk Low return vs Low risk No return
Gary Lee
2020-10-29 12:57:11 +0000 UTC大致同意你講法，分別只在於大家點判斷trump呢隻product係BB級定已經係C級以下，係我心目中係high risk with low return，呢樣野可以慢慢討論😹
Yu Yu
2020-10-29 12:43:33 +0000 UTC商人無信，大家睇侵呢幾年做過咩都會知。但買佢嘅邏輯係大家認為拜登係一定唔搞中共, 就算搞到唔慌有力。而侵係起碼見過佢有郁過。雖然我唔完全同意上述論調，但拜登就畢竟總會令人無期望，包括我。即係如果我估錯，有朝一日老美真係會同中共decouple，果個都一定唔會係拜登而係侵。簡單化當兩個投資 portfolio 咁去揀，侵係 high risk high return，拜登係 low risk no return。
Gary Lee
2020-10-29 12:35:36 +0000 UTC😹建議留意下螞蟻保薦人、國際配售有咩公司入咗飛
Yu Yu
2020-10-29 12:27:23 +0000 UTC相信在港搶到螞蟻集團的上市股份的大多數人或公司都是中國有政治力量的＂自己人＂，以劣幤搶走最後港人良幣，港人在國際上的地位更陷絶境。至於美國，競選前特朗普、龐佩奧巳表示在經濟上要制裁中國，連馬雲的上市公司也會排出美國金融市場！所以，我不相信美國會為這經濟少許好處而參與其中的。
Elaine Yip
2020-10-29 12:14:18 +0000 UTCRe Gary：其實我正在質疑的是，trump現時唔上唔落的「鬥而不破」，同拜登式的圍堵，係咪只是50步笑100步，而且要單打獨鬥，發揮唔到作用，反而令中國慢慢侵食美國國際領導地位，情況就好似WHO、同中美貿易戰咁 當然更令人擔心的是trump trump係會破格地反中，定最終會破格地轉軚，畢竟佢有往績由列北韓係恐怖主義國家，去到成為第一個跟肥仔金家族見面的美國總統，都只係一年內發生⋯⋯如果佢係一般總統，反中的民意都會制約到佢，但佢咁「破格」⋯
Yu Yu
2020-10-29 11:39:19 +0000 UTC完全同意，我們覺得兩方罸香港人多過救香港。如此下去，香港比二三線城市更差
Eric lin
2020-10-29 11:20:12 +0000 UTC@YuYu Mostly 我同意閣下意見，但我總覺得事物未必咁直線。假設侵下星期連任，佢可以響行政上有大動作，但另一邊經濟上卻可以係另一套。例如教授經常舉例，中美好多方面角力如火如荼，但又放生匯業銀行以圖另制經濟窗口。我既睇法係無論侵贏定登贏，繼續向中國角力係必然。但我都唔會 expect 老美同中共全面抗戰到一個完全 Decoupling 既境地。侵既手段可能 soundbite 大 D 破格 D，拜登就會傳統 D 經濟圍堵，但無論點香港都係難捱。甚至美國搞死香港，都不等同佢同中共再無計傾，畢竟大家都知中共憎透香港。 //哭
Gary Lee
2020-10-29 10:17:33 +0000 UTC請嘉賓講，教授做moderator，已經好夠，又唔會整cheap咗個brand😂sorry我意思係教授keep住個academic brand會適合啲
Jackie Hui
2020-10-29 10:07:54 +0000 UTC「特朗普有意做一些大動作，雖然不似對新制度有具體規劃，但起碼可能破立。」 - 呢個講法十分存疑。 Trump係咪真係想攤牌？唔人身攻擊佢的利益關係，包括中資銀行租咗佢幾多office、家族利益，退一步從政策講，1.華為搞咗咁耐，美國政府一直將豁免供應限期延後，或者批出豁免權，真係想攤牌？定只係消費議題？ 2.抖音單deal唔清唔楚，唔知有冇控股權，更重要係演算法無攞到手，由ocrale傾一單充滿缺憾的deal，只因ocrale係老友但microsoft唔係；3.貿易戰協議中國根本整體買唔夠貨，只係見到農產品（自己主要選民）購買額就收貨 仲未計舊年一直拖住唔sign香港民主自由法案⋯
Yu Yu
2020-10-29 06:19:53 +0000 UTC教授説香港彷彿回到80年代魚翅撈飯實在不符事實。香港的資本市場根本不是本地資金參與。資金不斷湧入是因為資金由外地以“美元”換成“港元”，參與螞蟻認購。在港交所的上市股票和投資者，大部份都和香港本土沒有關係，只是借助香港的外殼而已。螞蟻之所以成功上市，除了借助香港外殼，還須本身吸引外國投資者推動。其本質是，無論中美貿易戰還是疫情，根本對中國經濟是傷害輕微，這是外國投資者以真金白銀對中國企業的信任投票（正如Netflix/HKTV mall大升）。信任中國經濟是前因，人民幣升值及資金湧入香港認購螞蟻是後果。
salt water
2020-10-29 05:45:28 +0000 UTC資金係無國籍，當全球進入負利率年代，不少歐美保險、基金追入中國市場，甚至係國債市場😅
Yu Yu
2020-10-29 05:32:25 +0000 UTC當對華政策在總統辯論中只佔幾句，所有美國選民的注意力都在blm及疫情，又有哪個美國人（包括侵侵）注意到香港資本市場盛宴正濃。其實在不打壓香港集資及使用美元功能，而純粹推卻到美掛牌的IPO生意，並容許港美兩地股份互換（如阿里巴巴），其客觀事實就是正在協助香港金融市場做大做強，令中國更易得到美元並增強金融實力。
salt water
2020-10-29 05:19:16 +0000 UTC點解我唔覺得係搵錢，只係覺得悲涼？
N. Chow
2020-10-29 04:40:01 +0000 UTC講投資嘅話Patreon 人數應該大增🤣 香港人最鐘意搵錢
Vincy Chow
2020-10-29 04:38:17 +0000 UTC個人認為香港嘅一切基石都可以在一年間被糟蹋得如此體無完膚，剩餘的capital markets不可能獨善其身，一般小市民無理由再沾手中港股票和基金。 教授，我諗到喇，教授都係開多條channel，講國際關係投資倫理😂，令小市民一邊參與、一邊增值、一邊無意中了解到國際關係學術知識，好有synergy🙌🏿
Jackie Hui
2020-10-29 04:35:39 +0000 UTC在商言商，依一年全世界都印銀紙救經濟，加陣上市真係無得輸。
Fish
2020-10-29 04:19:45 +0000 UTC比老共害得咁惨，見佢哋仲可以利用香港揾咁多錢，我真係好嬲!😡😡
Wendy Lam
2020-10-29 04:19:38 +0000 UTC
