【突發時空🇭🇰】爭奪歷史的關鍵時刻：董建華推出香港志
Added 2020-12-29 07:41:07 +0000 UTC
董建華的團結香港基金成立「香港地方誌中心」，打算推出《香港志》，剛出版第一冊《總述：大事記》。此情此景，在「新香港」，自然是爭奪歷史話語權的關鍵一著。
最令人擔心的，還不是對個別事件的定性，反正這在北京眼中，已經「無庸爭論」，就像鴉片戰爭、中日關係那樣要一錘定音。關鍵是香港的真正identity，從來都不只是一個中國城市，從來都充滿國際特色，乃至在國際關係扮演了大量重要角色。
是否也要一筆勾銷？
每逢改朝換代，都要對前朝修史，只是中國國情，「本朝」也不例外。假如未來的新香港人，只能理解香港為一個普通城市，整個換血工程，就邁進一大步。配合歷史博物館重新「設計」，歷史教科書重新「論述」，歷史建築物紛紛拆除，甚麼是香港，就會變成《人民日報》筆下的那個莫名其妙的地方。
究竟誰有資格修香港史？
除了參與這計劃的官方學者，世界各地研究香港的學者眾多，都是一家之言，也必須參與論述。更重要的是我們作為香港人，必須書寫自己的故事，而且要緊靠過去百多年的香港脈落，訴說官方歷史以外的真香港。
假如有一日，香港官方歷史面目全非，在台灣、在海外才能參觀真香港歷史，就像九龍城寨唯有到日本參觀，這毫不令人意外。
一直希望訴說香港自古以來的國際關係故事。官方越是爭奪歷史，這種研究論述的逼切性越明顯。有朋友有興趣嗎？
Comments
我文筆不好，但教對搵reference 都尚算有經驗。如果有香港志既工作，請讓我幫手。。另外，提議大家參與wiki修訂。謝
Cheese Beef Egg Toast
2021-01-04 01:40:51 +0000 UTC我是回歸前後中學讀文科的. 當年會考的中史, 中文書保留至今. 已決定繼續留存.
YY
2021-01-03 17:15:04 +0000 UTC好快就會變成教科書內容，真歷史就變成禁書
Chris Chan
2021-01-03 15:57:13 +0000 UTC🙋🏻♀️ 絕對有興趣幫手，盡棉力 ☺️
Jenny Tung
2020-12-31 10:58:42 +0000 UTC原理有啲似wiki 再亂啲，好容易資訊爆炸，又要validate , 要留意
Brett Ho
2020-12-31 05:23:29 +0000 UTC我覺得佢推出「二臣傳」會較有權威性。
Dummy-123
2020-12-30 21:20:43 +0000 UTC當然有興趣，香港真實歷史一定要保留💪🏻 唔好比佢哋講到九七金融風暴，全靠中國支持香港🤪。事實上，中國一毫子都冇俾過香港，唔好講當時香港可用資金分分鐘俾中國多。 五六十年年代，中國無糧食都供食品給香港😓，實情係當年中國要外匯買西藥，第第。 呢啲假歷史，係洗腦群組見太多😠
Mona Yim
2020-12-30 12:04:50 +0000 UTC教授不如搵下李兆富合作出書？
Chan Ivan
2020-12-30 06:54:11 +0000 UTC由得佢地打飛機，在海外要好似德國對待《我的奮鬥》咁。
Pal Dou
2020-12-30 05:00:09 +0000 UTC所有真·香港人都會有興趣，正確來講係都會想盡綿力
翹
2020-12-30 01:46:42 +0000 UTC可以既話，當然希望參與，暫時諗到係當有一個大綱，可以搵身邊唔同朋友將細節，記憶加入去， 唔知咁樣可唔可行
Pris Too
2020-12-30 01:03:45 +0000 UTC在書中，2014 年的「雨傘運動」，被形容為「『違法』佔領中環運動」，偏頗地描述運動於入夜後「失控」，為此我搜尋了建制派元老曾鈺成在Facebook刊載的回憶錄《主席八年》，他對當時「雨傘運動」、「佔領中環」、以及學聯與港府對話的描述，都與《香港志》相當有出入；由於呢本書現時能夠在官網免費閱讀，光速將其look過一次，發現成本書非常偏頗於描述中共如何扶植香港上位，基礎上大部份時間都係歌頌緊祖國點樣協助，就算提到二次大戰三年零八個月嘅時候，都只係寫香港人點樣受到國內共產黨嘅資源協助，甚至認為英政府期間更打算放棄香港，完全抹煞當年英軍及其他國家於香港同日軍激戰時候嘅英勇事蹟，甚有擦鞋之嫌；而且當論述到當年英政府管理香港嘅時候，隻字不提英國在香港管治百多年期間嘅建樹，包括民生經濟所作出嘅貢獻，反而着墨於港英政府嘅政策如何歧視華人，在唔同嘅政策上邊將華人欺壓，再反客為主地描述內地如何協助香港成功，將史實片面地描述，令讀者有錯覺認為當年英國政府未能夠好好嘅管治香港。 直到九七後嘅描述，成件事寫成為自回歸之後香港經濟迅速增長受惠於內地，令到呢個國際都市更上一層樓再創高峰。提到西方社會嘅金融危機點樣影響到香港，亦都係內地出手相救。 推盤沙演，去年所發生嘅一切事件，當然會被完全改寫。二百萬人上街，屈指一算，佔全港人口差不多三成，響新香港嘅演繹，可能就係「鼎力支持特區政府以及祖國有效施政」，「反對外國勢力干預香港政策事務」二百萬人大遊行；721事件會被形容為「白衣人保衛家園奮力一戰」；831就係「警方瓦解港鐵暴徒衝突」，而中大、理大之戰，就會被形容為「受西方洗腦教育激進青年暴亂」。如此這般，新一代就會在這虛假的描述下成長，與真正歷史脫軌，活在平行時空之中。 《香港志》中所描寫香港嘅地理環境、人口分布、各大事年表也均為事實，惟在論述香港嘅金融經濟發展，港英政府時代管治嘅點滴，甚至在描述不同「大事件」當中，明顯地描寫得十分片面及偏頗，有誤導之嫌。因此《香港志》可讀性並不高，因為香港嘅歷史，根本唔需要用呢個方法去表述，若然真係以史為實，就應該更加全面地函蓋不同角度及看法而並非take side靠邊站。 算啦，又唔使錢，當睇吓，認識下咩叫做「1984式」嘅書籍，開下眼界。講到尾，《香港志》，說穿了，只是一本用來阿諛奉承暴政的著作罷了。
James Lo
2020-12-29 19:33:53 +0000 UTC董建華完美演繹何謂「幼而不孫弟，長而無述焉，老而不死，是為賊。」 一個做二世祖都唔合格嘅人都可以響呢d位置，一早已決定左香港嘅命運⋯
Anthony.K
2020-12-29 17:02:42 +0000 UTC作為一個文筆吾好，記性又差嘅平凡香港人可以點參與？😖 有諗過寫日記，一百年後若然有人搵到本日記，可能可以作為傍証
Ca Cheung
2020-12-29 16:32:00 +0000 UTC興趣是有的，只可惜我自小至今也局限在室內工作又工作，雖然生活在香港，但甚少有機會到處遊歷，對本土很多地方也是不太認識啊！但尚算關懷社會的一些事吧！
Elaine Yip
2020-12-29 15:01:11 +0000 UTCI always wish to see a virtual Hong Kong museum honestly, even before 777, the hk history museum didn't do a good job on showing our history.
g_dot_helen
2020-12-29 14:23:40 +0000 UTC台灣作為吸收中華文化精髓既寶地，假若真係要保存香港歷史的話絕對係首選之地
GSC
2020-12-29 12:04:40 +0000 UTC由於文化水平局限，只能參與見證，口述。
Thomas Leung
2020-12-29 11:21:43 +0000 UTC教授之前唔係提倡過會做個類似嘅project嗎
Parramatta Pangbourne
2020-12-29 09:38:47 +0000 UTCWill HK Gov follow this book for the renovation of Hong Kong History Museum?
Samuel Li
2020-12-29 08:41:10 +0000 UTC真實嘅歷史，假如需要抹殺，只要在位者夠長命，又冇其他大量資料現存；以前讀歷史，明白 真實嘅事實 會變成正史以外嘅野史，只要有其他野史寫得科幻，該段歷史過幾代就可以變做 傳說，當權者再落啲墨，傳說好快可以變神話，真實嘅歷史事實，就埋沒係時間洪流....成個過程最快應該可以用50年內完成，沈教授 有心對香港嘅國際關係作歷史傳承，期待作品！ 加油！
Cynthia Chu
2020-12-29 08:31:48 +0000 UTC官網有全文免費閱覽。碌過一次，我覺得成件事好「前國安法」。 https://www.hkchronicles.org.hk/node/737 例如敏感內容上，例如六七暴動：「其後演變為持續七個月的動亂，社會上一般稱為『六七暴動』，左派則稱其為『反英抗暴』。」又如六四事件同支聯會成立等有mention，當然係好輕輕帶過。我懷疑呢d觀點，雖然好鬼平衡，但今時今日對於某d人黎講，仲係太過「香港本位」。個寫法仲有潛力再仆街d。 牽頭嘅係「團結香港基金」，金主係馬會、恒基、怡和、太古、匯豐、李嘉誠基金等，雖然都有中銀、中移動，但主要都係傳統商人。唔計駱惠寧係榮譽贊助人，編審群係例如丁新豹、周永新、周佳榮、葉月瑜、冼玉儀等，下面班寫手抽樣search下係香港年青研究者，唔見有強調有大陸學者指導，最多係有d梁愛詩、范太、譚惠珠。 出版社係中華，而唔係大陸嗰d「書目文獻出版社」之類，亦都無「本書為國家十二．五規劃重點項目」之類嘅字樣。 所以，個人感覺啦，雖然一定經過中共首肯，但成件事唔似係中共指令修史黎定調，而係董梁嗰班香港代理人撩出黎。根據經驗，本來修呢d，由於要跟住主旋律，而主旋律係成日變，已經好易爛尾 (據報道《政治卷》本身都要2026年先出完)；加埋呢個集團、呢種「前國安法」嘅寫法，隨時真係寫寫下腰斬或者回收修訂都未定。
saeko
2020-12-29 08:07:44 +0000 UTC現實中 香港面目全非，要讓下一代了解真正的歷史。是否從互聯網小孩子喜愛的角色著手？
miuying yu
2020-12-29 08:01:11 +0000 UTC(誰控制過去就控制未來, 誰控制現在就控制過去)...佢地跟劇本走跟得好貼
Pat
2020-12-29 07:59:19 +0000 UTC《香港志》英文係唔係”Xiang Gang Chronicle”?
Meow
2020-12-29 07:50:10 +0000 UTC
