【突發時空🇭🇰💰】匯豐大裁compliance員工100人的啟示
Added 2021-03-23 06:31:01 +0000 UTC
中環金融精英一直深信，雖然「留島不留人」是國策，大小銀行都已經大陸化，但真香港人在compliance、due diligence等層面還是有一定優勢，因為香港人始終有法治精神，不會亂來，金融機構要是連這一塊的監管也失去，無異於中門打開，香港和上海還有甚麼分別？
言猶在耳，作為香港最有代表性的（前）香港人的銀行匯豐，忽然宣佈大幅度裁掉100人，都是「EIR（External Investigative Reporting）」部門；更奇怪的是，卻又說明部份同樣職務會搬到廣州，以節省成本。
公然以中國員工取代香港員工負責compliance，這是非常恐怖的先例。
這先例由匯豐開啟，充滿想像空間，彷彿專門為「中環南深圳化」鳴鑼開道。可以想像，假如是某中資行把合規部移師深圳河以北，必然困難重重，充滿反彈，市場也不信任。但現在是「香港人的銀行」匯豐先行先試，而且金管、證監受理，中資行日後自然更名正言順，依樣葫蘆。
那時候，南深圳的中環，和北深圳之間，就連最後一線差別也失去，反正compliance都是「愛國」的，中環就會正式空殼化、櫉窗化，一啲剩餘價值都冇。
下一步，恐怕日後連存錢的電腦伺服器、乃至股票交易平台，都可以搬到北深圳，那時候，連南深圳的監管機構也管不到，這裏的剩餘價值，就純純粹粹的剩下印美元。到了這地步，居然還有一大群「國際僱傭兵」參與南深圳最後的遊戲，那真的是前所未見的趣緻。
Comments
算吧啦, 中國自古以來都唔跟咩compliance, 一個法家國家那會有什麼西方法治思想
Edmund Sin
2021-03-25 07:21:39 +0000 UTC逐步逐步黎既姐，見低風險既無人有反應，下次咪搬更高風險既
Chris Chan
2021-03-23 21:09:19 +0000 UTC做compliance 唔一定要讀法律出身, Big 4 有一堆consultant 做compliance, 冇一個讀law...
Chapman Yeung
2021-03-23 14:36:06 +0000 UTC其實今時今日銀行工真係超辛苦⋯⋯前中後線都好鬼辛苦⋯⋯會唔會HSBC compliance 之前over expand 左....
Sasa
2021-03-23 13:02:22 +0000 UTC香港人做compliance唔係有優勢，係在香大陸人不屑做，佢哋做前線花紅最多。港大法律系成績最好，都係大陸學生了
Annie Ng
2021-03-23 11:59:55 +0000 UTC雖然唔熟hsbc compliance structure，不過我估應該唔係key posts，因為其實好難將key compliance functions 搬去北深圳，始終regulations 唔同，若果staff唔熟書公司好容易賴嘢。
Judy
2021-03-23 11:37:50 +0000 UTC不過，呢條team填form 嫁咋，無大學學位或者機械人都識做；佢地同負責把關嘅 regulatory compliance 完全唔同
katrina
2021-03-23 10:31:16 +0000 UTC23年前香港人齊心打金融大鱷。估唔到呢一刻，由賭港匯嘅Kyle Bass為首，我哋要為呢一班老美金融大鱷打氣。佢哋成功嘅話，唔使再為中共駱駝加禾稈草，而係直接斬佢駱駝腳．
悉尼 袋鼠
2021-03-23 08:33:34 +0000 UTC我大大話話半路出家，由29歲起開始接觸compliance，大大小小嘅銀行、證券行、保險經紀行都做過，當中有港資、中資、美資及台資背景，有上市券商，亦做過蚊型券商。由當初乜野係SFO、AML都唔識，而家都叫做讀完個LLM，睇到近呢幾年變化得最大嘅，係對PEP嘅定義。我老婆都係做AML，係做FCC，即係而家匯豐裁減嘅EIR嘅上一層。其實做FCC你真係識字同有少少邏輯已經可以做，我做券商就RC、FCC、reporting、STR呢D都一手一腳做哂。銀行係細分，好多年前都有OUTSOURCE，但將成個compliance搬上大陸都真係第一次見。 我同老婆係初初做compliance時同team識嘅，大家一路走來都係做同行，佢本身以前都係匯豐做RC，做到斷氣做reporting做到喊。我都唔少野，做中資銀行RC做到喺地鐵一路坐車一路喊，呢份工係可以好辛苦，但一直都覺得香港仲有得做compliance因為有一國兩制，大陸要兩制將D錢「合法」向世界走出去。但呢幾年，我地都已經心淡，對compliance一路係咁變，已經覺得冇哂感覺，亦覺得無謂再堅持落去。好似我地呢D又唔係CFA、CPA、com sec，得個master degree去呃下人，其實到頭來都係condom。由當日開始互聯互通，都知第日人仔D錢會係咁FOR落黎，我地後台仲點樣做KYC？當連地下錢莊都唔使用，直接證明大陸嘅銀行有戶口有錢，香港嘅子銀行就可以開港幣戶口，仲比你一蚊人仔孖展十倍港紙比大陸人開戶炒股票，我地做compliance真係已經淪為comply人就算數。 香港呢幾年自甘墜落，做comply人其實仲有市場，但你真係要comply人地set好嘅rules、policy and procedure，你識得點玩人地set落嘅P&P，前台中台問你你做advisory講一句話得就得，compliance由始至終都係呢度值錢。不過又講真，EIR係FCC最底層嘅一群，RC先係皇道，而且咁多年來EIR的確係人多，因為要做報警撚寫STR都真係要好多成本。銀行cut cost無可厚非。 只係呢，以上面每個單位都要有個政治指導，EIR第日做野、報警、reporting，又使唔使做到政治正確呢？沈教授，就不如幻想一下，當某某PEP比comply人check緊，去到呢D搬到國內新香港FCC部門，又做唔做到所謂嘅獨立監察嘅作用呢？
Kenny Cheung
2021-03-23 08:19:42 +0000 UTC匯豐是否放棄審查客戶黑錢？定係審查準則緊跟黨？
Ricky Lau
2021-03-23 07:00:43 +0000 UTC國安法、初選案、完善選舉制度、愛國教育來臨、為推廣疫苗誣衊醫、香港最大銀行歸邊，真係超光速呀！
阿寶
2021-03-23 06:57:49 +0000 UTC應係「中環」唔係「中華」？😂
Edward Lau
2021-03-23 06:40:37 +0000 UTC喂你係就咋咋臨嚟料，等香港人死咗條心，順便等其他國家正式撤出，打過啦baby
James Lo
2021-03-23 06:38:05 +0000 UTC
