【隨緣家書🇭🇰】親眼見證「國家安全日」之後，家長如何自處？
Added 2021-04-15 17:56:50 +0000 UTC
對香港家長而言，2021年4月15日，國安法生效後的首個「國家安全日」，震撼程度可能超越721、831。這樣的「震撼教育」，令人良久不能釋懷。
一早起來，就看到inbox傳來震撼訊息，來自一位家長，她的女兒，和我女兒在香港時讀同一間國際學校。原來現在連國際學校，也要準時8:10am 恭讀「國家安全」寶訓，那些大陸家長一片雀躍，香港家長自然覺得貨不對辦，這是讓子女儘快離開的wake up call。
至於各種各樣的國家安全日樣板戲，在全港各種學校上映，何君堯議員「巡視」學校升旗禮的造型照、「國安連儂牆」的表忠貼紙、學生穿著校服玩弄玩具槍指向同濟頭部...... 都令人發現一切已經如此貼身。至於那些紀律部隊的開放日，只教人想起文革時的唱紅歌和忠字舞，配合國家機器宣傳、連幼稚園學生也收到的十六種國家安全觀書籤，整個氣氛，比納粹更荒謬（必須承認，無論多麼邪惡，起碼納粹的美學是有一套的）。
身邊認識而還在香港的家長，包括藍色家長，無一例外，反應都是「快點離開吧」。但這是否解決方法？「離開」，自然是必須的，必須讓子女「離開」這樣的「教育」制度。但離開的方式，固然可以是到別的地方讀書，這卻不是唯一方法：一來不少家長因為種種原因，始終不願、或不能離開香港；二來即使到了外國讀書，假如沒有抵抗力，在中國銳實力肆虐全球下，還是逃不過去。
因此，我們首先必須確立「教育」的本意：正如日前分享唐鳳傳奇的教育觀，同時推廣「3C」：critical thinking, care thinking, creative thinking，應該是下一代成長的必備，而這些思考方法，其實都不是傳統學校能夠教導的。無論在哪裏讀書，都應該建構一個社會環境，去促進這些教育，場景可以是家庭內部，可以是peer group，可以是由下而上的教育小組，可以是子女自己的連結。例如在台灣或英國，香港家長完全可以建立志同道合的小組，設計自己的學習模式，除了反洗腦、debriefing，也可以加強香港身份認同。
如何不理會官方教材、而製作真正的教材，也是當務之急。無論是真實的香港歷史，真正的普世價值，邏輯的定義和應用，這些本來都只是common sense，在新香港/南深圳，卻可能成為禁果。專家學者固然應該儘快製作這些教材，讓家長有更多輔助讀物施教，每人也應該把現在還能找到的資料收藏好，讓下一代知道家中就有「真香港」曾經存在的證據。波蘭、捷克都是靠這樣的時間囊，在荒謬的環境世代相傳。
網絡的基本溝通能力，也是新一代的必備，除了外語，程式語言也是他們和世界接軌的中介。只要打開了這扇門，他們自然能找到真正的世界，特別是開啟了他們發掘官方教材背後的好奇心，就像黑客文化，只要培養下一代尋找漏洞的好奇心，資訊科技應該是他們突破洗腦的工具，而不是相反。Again，十分鼓勵大家閱讀唐鳳傳奇。
學校無論大中小學，需要由上而下教材、syllabus的唯一憑藉，就是對求職、履歷的壟斷。一旦學生發現讀完這樣的教育之後，對就業毫無幫助，又或其實有其他途徑能達到同一目標，自然就會知道什麼是人生。在未來世界，其實有了上述裝備，不愁找不到工作，而且自由世界相信也會很快推出各種各樣的認受，讓身處極權地方的學生能夠另闢蹊徑。家長假如不能帶子女離開香港，也應該多接觸這類資訊，讓他們「身體在地、而靈魂離地」，能夠以俯瞰的高度，回看身邊那個荒謬的地方。
路是人行出來的，我就不相信這樣的「教育」可以成功。互勉之。
Comments
Well said. 保守你的的心，勝過一切
Mr. & Mrs. AU
2021-04-20 05:18:29 +0000 UTC謝謝你的建議
Stella kong
2021-04-18 15:59:48 +0000 UTC英美加澳贊成，但日有保留，日本的教育，好難培養出有critical thinking,自我主張的孩子。
Winsa Chan
2021-04-17 00:43:15 +0000 UTC在這裡生活，真係要學「身體在地，靈魂離地」，抽離自己，才不會憤怒至噴血。
SF
2021-04-16 14:05:10 +0000 UTC欣賞這建議~
Elaine Yip
2021-04-16 13:51:39 +0000 UTCThank you for your courage
NC Wah
2021-04-16 12:27:26 +0000 UTC仲諗？快啲送仔女去英美加澳日啦！
Allen LA
2021-04-16 11:59:50 +0000 UTC我好認同你的說法, 個孩子在這環境下長大, 單純的很容易患上精神病. 古惑D , 容易生存, 只是我不識跟孩子相處. 好比一個異性戀父母, 要接受同性戀的孩子和其伴侶, 視對方為新抱/女婿. 不是容易的事 希望做到.....
Polly Chow
2021-04-16 08:53:55 +0000 UTC身份認同，其實就係情感嘅總和而建構出嚟嘅嘢。家長可以做嘅嘢就係根據本身內在情感而deliver出自己嘅價值觀比下一代。作為接收者嘅下一代，亦會受多方位嘅影響，好難一概而論。自由就係香港人本身珍而重之嘅價值，勉強下一代，一來與自由價值雙違背，二來就更是一廂情願。家長做番自己，順其自然，如果係好嘢，我相信，就有機會比下一代承傳下去！
Watson Chan
2021-04-16 08:03:46 +0000 UTC沒聽過嗎？爹親，娘親，不如毛主席親。到時，是你不明辦是非，不是他呀！
Patrick Lam
2021-04-16 07:40:56 +0000 UTCWell said. Thank you Simon
CL
2021-04-16 04:39:16 +0000 UTC家庭教育及身教很重要，讓小朋友有明辦是非的能力。但是，至少要有一個環境能夠容納誠實。越是誠實，就容易保持誠實。 敢於面對事實的人，心懷坦蕩，也可擺脫良心的折磨和恐懼的威脅。 是否離開，要看各人對自由的「定價」。 要留戀的，應該是那一群人，而不是一個地方。
Helen
2021-04-16 03:30:01 +0000 UTC想知邊間國際學校？
Wing Chi Siu
2021-04-16 03:06:26 +0000 UTC一見張相，個頭即痛
Jackie Hui
2021-04-16 02:59:11 +0000 UTC深深明白今日做家長之難! 見到尋日幅相, 我如有在學小朋友, 真係會訓唔著.
AF0813
2021-04-16 02:51:22 +0000 UTC禮失而求諸野。要多謝沈教授和一眾海外手足的貢獻。
Patrick Lam
2021-04-16 02:05:01 +0000 UTC係，而家係文革2.0，所有文化會被摧毁，故此，反向操作，建立香港文化同價值本位，非常重要。
Jackie Hui
2021-04-16 01:59:23 +0000 UTC沒辦法！要在依家南深圳的學校生存，一定是見人講人話，見鬼講鬼話。要看小朋友的造化，長大了能否頓悟。真的不希望看見像張展的人在香港出現。當張展判刑了，她媽媽哭訴：我為什麼要教她說真話。我希望看見像矢板明夫，張潔平一樣的人，先不得已的生存下來，等長大了才做選擇。
Patrick Lam
2021-04-16 01:57:05 +0000 UTC我在香港的朋友的direct quote：教咗佢唔愛又死，唔教佢唔愛都係死
James Lo
2021-04-16 01:36:10 +0000 UTC今時今日仲要好好咁紀錄一切，留低一個未被修改的歷史，當清算完成就到修改歷史的時候
Alan Lee
2021-04-16 01:34:58 +0000 UTC習近平，薄熙來，劉曉波 也是在這樣的環境長大。係龍係蛇，真系要睇個天點樣比佢地，但不論佢地選邊一邊，在我們看來，人生也是悲慘和無奈！
Patrick Lam
2021-04-16 01:33:38 +0000 UTC個人覺得家長點都有責任提升自己，教育下一代正確價值觀，呢點非常認同。 但也不得不承認好多時候環境大於一切，抵抗環境意識形態嘅人，一定係好少數，原因如下： - 3萬警（除97後出生）都係港英普世價值教育下成長，點解我地搵唔到白警？就算有白警，點解佢地唔全部辭職或做啲嘢去彰顯普世價值？ - 原因係佢地要生存囉（意思可以係金錢，可以係同僚認同感，可以係為咗不被針對） - 套用喺小朋友處境，基本上是一樣 - 我仔係邏輯思考型，有話我聽尋日學校教國安，知係「藍」野。佢交友傾向係好揀擇，只選擇有相同知識領域同政見嘅人做佢嘅好好好朋友，其他人只會係當一齊玩唔係真心朋友。 - 我女係善解人意型，冇同我講國安教育，平時見爺嫲會叫我熄咗電話播緊嘅願榮光，話爺嫲唔鍾意，性格唔想得失人，有潛質做雙面人 - 如果小朋友要係咁嘅環境下「成長」，要不斷喺兩套價值系統之間周旋、掙扎、求存，咁咪即係放佢哋喺人性實驗室接受飢餓挑戰，每一日都要喺人食人同良知之間取捨？ - 我哋成年人鼓吹NMIC同黃色經濟圈，就係希望減慢對家價值系統嘅擴張，達此消彼長之效，但問心，容唔容易？喺呢個環境要喺小朋友心裏面建立良知壁壘，同環境嘅賞罰制度有抵觸，成功嘅機會有幾多？ - 我非常認同乜嘢環境嘅人都要不斷學習追求良知價值，但我作為家長非常不樂意見到小朋友要同呢個價值系統戰鬥，戰敗的話，便成為了這個系統。（哭）
Jackie Hui
2021-04-16 00:27:04 +0000 UTC如果走左就唔講廣東話，咁就已經同香港既關係割裂左。就算首富 Elon Musk 也好，佢都會講佢係來自某地既美國人，出身係邊度係一個身份，有內在價值既人，唔怕俾人知佢來自邊度。 至於仔女既仔女，第三代係當地真正土生土長，就已經控制唔到了。
Chris Chan
2021-04-16 00:08:15 +0000 UTC不要輕視同儕效應，尤其青春期反叛期，你講一萬句都唔夠同伴講一句。環境會影響人比想像中大。
Chris Chan
2021-04-16 00:02:54 +0000 UTC家長教得好，仔女唔同流合污，肯定俾人標簽做「黑暴」既仔女，俾新香港人、警二代督灰。 如果你教得到細路好似十年「本地蛋」既細路仔咁，見人講人話，見鬼講鬼話，又係另一種悲哀。 中國有清醒既人，但都萬中無一，我無乜信心係學校咁既強迫教育下，自己仔女會做到果一個而唔係做左果九千九百九十九個小粉紅了。
Chris Chan
2021-04-16 00:00:57 +0000 UTC讀書時初中中史教科書講的內容，一直照單全收，不過學校很少講政治，宣傳的都是反吸煙等，不過宣傳的作用不大。
Wong Yolanda
2021-04-15 23:04:16 +0000 UTC這篇文章，好應該設定為免費閱讀。
Pal Dou
2021-04-15 22:15:10 +0000 UTC同意教授所言，品德教育從來都不可outsource，即使他日若身在外地亦然，家長們都要努力
Chee Chan
2021-04-15 22:15:07 +0000 UTC這些照片應該震撼了全香港幾乎所有家長。 那些「新移民」當然見怪不怪，甚至覺得this is very good，香港終於願意教育下一代需要「愛國愛港」，對「暴徒」需要絕不手軟。作為「正常」家長，若然你仍然認為睇完呢啲照片之後覺得No problem，強烈建議你可以考慮搬去大灣區，分分鐘仲安全。你話都係張相啫使唔使咁緊張，試想像一個小學生，拎住支槍嬉皮笑臉指住佢嘅同伴，係乜嘢教育。我就計你立即有老師出言阻止，嗰種意識形態已經令人難以接受，這是否就是新香港的下一代。 呢種文革式嘅唱紅，不禁令人諗起當年文革時期嘅一班紅衛兵，以及小說「1984」裏面一班被教育成為舉報機器的兒童。文革當年有多少父母俾佢哋嘅仔女篤灰，導致身敗名裂，甚至性命不保。而在小說裏面就有一幕，描述到父母係因為喺家中批評政府，被小孩子聽到後舉報最後俾拘捕，囚於獄中。新香港，相信這種事情已經「不遠矣」。 上幾個月香港人都仲話「最緊要你開心」，而家搞埋啲咁嘅嘢，喺屋企都唔俾討論，係咪真係要搞到要搞地下組織，用摩斯密碼定係暗號去批評政府先至冇事？一班老師面對咁違背良心嘅事，又會如何自處？定係呢個原來只不過係邪惡計劃，等到一班香港的教育人士紛紛跳船，就有藉口輸入「內地專才」，從此日日洗腦？ 咁搞法，「國」可能建立了，「家」，卻從此失去。
James Lo
2021-04-15 20:54:46 +0000 UTC融入當地生活文化，同記住自己來自香港既身份係無衝突。我都響外地生活，但我會同個仔講廣東話，因為我對曾經響呢個地方生活過覺得自豪。當然我都唔會強迫個仔話自己係香港人，因為佢都唔係香港出世。但無論我響外國生活幾多年， 香港係我既根呢個事實係改變不了，唔多唔少都會影響到小朋友
SK Lam
2021-04-15 20:41:44 +0000 UTC就算有家教，要孩子違心咁生活，已經好扭曲。不能視若無睹，長此下去... 佢嗰16項安全即好清楚咩對佢呢講係威脅，咁不安，希望快D...
Gnoh Regnok
2021-04-15 20:10:40 +0000 UTC>> 二來即使到了外國讀書，假如沒有抵抗力，在中國銳實力肆虐全球下，還是逃不過去。 其實，跟中國銳實力都係冇乜關係，而係關家長事。我眼見，嗰啲家長往往同子女強調佢哋係香港人、中國人。下一代原本係唔會Associate到嘅，但佢哋一旦喺學校生活，甚至出嚟社會生活嘅時候遇到因為種族問題嘅麻煩，嗰啲父母嘅洗腦就會大爆發。 個人嚟講，我自小就唔強逼個仔學中文（second language係揀Spanish），亦都從少教佢哋係American。去到外國旅行，每有人問來自何處，我都係答美國、紐約－－呢啲係身教。久而久之，比起佢哋啲表親，係明顯咁冇對香港、中國人嘅身份認同。
Kam
2021-04-15 18:44:04 +0000 UTC其實又未去到咁惡劣，就算在內地，愛國教練咁盛行，但有清醒既人，只係因中共手段刻意打散，所以無法有效表達，最重要係時刻和仔女溝通，始終家長既教育才是最重要，如何明辯是非是由家長和親人所灌輸，學校只是工具
wai leung
2021-04-15 18:40:42 +0000 UTCAgreed with you wholeheartedly the 3C: creative, care and critical thinking. Combining with independent mindset, developing integrity and virtuous values, they all begin from us, parents.
Jon T
2021-04-15 18:04:48 +0000 UTC好恐怖，好撚恐怖，我所識得嘅人，仔女喺幼稚園有愛國填色工作紙，小學生要睇動畫短片，中學學校壁佈要釘單張，升旗禮要拍片。好撚恐怖，完全係一個地獄。
saeko
2021-04-15 18:04:42 +0000 UTC對人性不要懷有太大期望
WHO ?
2021-04-15 18:00:21 +0000 UTC我本以為只有本地學校需要，想不到國際學校也跟從，幸好當年及早離開南深圳
WHO ?
2021-04-15 17:59:29 +0000 UTC但如果我係呢啲細路，我都唔敢講我大個唔會變小粉紅😢今日嘅新聞，真係唔太敢㩒入去睇
THY
2021-04-15 17:59:26 +0000 UTC
