【突發時空💰】被三面夾擊的匯豐銀行，7.1後何去何從？
Added 2021-06-29 07:59:30 +0000 UTC
不少金融機構依然有幻想，認為國安法「不會」影響「正常」做生意的人。然而從中國共產黨歷史可見，幾乎可以肯定上述立論不會成立，因為「正常」做生意的在這個新冷戰時代，已經大受影響，而在可見將來，很難不歸邊。
正如月前的訪問嘉賓蕭少滔分析，由於中美兩大集團的compliance互相衝突，也開始互相制裁，世界很快就會分為三大板塊：有中國的；沒有中國的；與及兩者之間的邊緣地帶。現在的巨無霸跨國企業，可能會自我分拆為「奶共部」、「滅共部」兩部份，表面上勢成水火，兩者卻會在第三方交收利益。本來香港可以作為這類第三方，但現在淪陷，得漁人之利的大概亞洲有新加坡，歐洲有愛爾蘭。
而國安法踏入第二年，被拿來作「第二階段」祭旗的，會否是匯豐？
事實上，匯豐的內部重整，已經勢在必行，但目前卻處於多面不討好狀態：
- 匯豐目前主要盈餘來自中國市場，其實沒有多少選擇空間，問題是沒有了國際身份，匯豐對中國也沒有價值；
- 由於華為孟晚舟事件，匯豐依然被中國大企業black list，今天又傳出被中國最大鋼鐵製造商寶武列入黑名單，反映其他大型國企也有同一研判；
- 為了集中資源、減少隱患，匯豐剛出售了法國零售銀行業務，估計損失30億美元，反映匯豐在歐洲也難以立足；
- 而美國國會議員剛呼籲拜登制裁匯豐，原因是配合港府打壓《蘋果日報》，加上要是港府要打擊移民港人的資產，匯豐的配合絕對必須；
- 要是匯豐不配合李家超，卻真的可以違反港區國安法，而根據中國人大剛通過的《反制裁法》，匯豐只要配合美國，已經是違法......
假如這些大方向、這些compliance 都被認真執行，匯豐已經沒有活路。所以金融界本來相信，大家都是打嘴砲，吵了一輪還可以繼續搵錢。對很多企業而言，依然可以buy time。而且各國銀行正醞釀合作虛擬貨幣、新swift等大變革，對任何主權國家都越來越不信任，也不會坐以待斃。
問題是匯豐似乎已經跌入了各國拿來祭旗的方向標，逼得它非表態不可。為什麼偏偏是匯豐？有咁耐風流、有咁耐折墮。畢竟匯豐源出香港，這個身份令它怎樣迴避，都有了先天原罪。
唯一出路，似乎是專門經營一大業務：純粹幫中國權貴走錢洗錢，放棄一切不論地域的正常業務，自我BVI化，這定位在中國肯定大有需求。
至於對一般人而言，7.1後的匯豐，風高浪急，大家小心。
Comments
講到尾，如果HSBC（共）被美國制栽， HSBC（反共）同 HSBC（母）會唔會都唔俾同佢有交易先
James Green
2021-06-30 08:53:40 +0000 UTC好多人真係唔明鬼佬既獨立上市地位 母公司只係控股 管理權歸上市本體 股東是投資者只能簡接睇注公司不是中國人的＂我就是老世＂思維 hsbc海外都有獨立身份 。hsbc hk 用股權引中共入局不制栽 hsbc海外用法人身份繞過西方法律 冇因由制栽 。倫敦只收股息 合併報表 利係讓左 如果大陸ok 仲係保有財路
Good Year
2021-06-29 23:53:31 +0000 UTC如意算盤係咁打，但到時HSBC(反共) branding 太差，唔靠HSBC(共)好難喺歐美做得住，但歐美制裁HSBC(共)，HSBC(反共)在歐美監管機構顯微鏡之下同HSBC(共)唔可能有太緊密業務往來，最終HSBC(反共)做得住嘅話只會變成一間普通歐美銀行，可能改埋名(因為HSBC branding太差)，而HSBC(共)就變成冇咗歐美業務嘅HSBC，back to square one。
Alvin
2021-06-29 17:50:43 +0000 UTChsbc (共) 一日係子公司，如果hsbc (共) 唔守美國既制裁，最終咪都係搞到去母公司度，唔係話分拆左唔同地方上市就冇問題，輕則再罰下錢，重則唔比用美金，唔比用swift 等等。。基本上真係無得搞，我估唯一出路係繼續奶，出力奶，希望中國贏；如果繼續做中間人，就兩邊不是人；如果倒向美國，就會得罪中國，可是依家hsbc 都係押注中國市場，咁等同自殺。
思前想後
2021-06-29 17:23:34 +0000 UTC呢道就係上市公司古惑之處 分拆意思係得hsbc （共）實際行政權交出 拉中共入局 簡單D講在倫敦的我們只要錢 你行咩法我管不到。 而hsbc （反共） 則可以向公眾解釋我還我 佢還佢 要停止業務既一大難度係 你憑咩單要求我唔做佢生意？而不是全世界唔做得佢生意？ 全宇宙制栽HSBC？核彈喎
Good Year
2021-06-29 15:46:03 +0000 UTC制裁之下, 英美可以要求HSBC (反共)唔同HSBC (共)有業務往來, 反之亦然, 但同一母公司之下, 只要中美是但一方想做, 兩間公司一齊上繳收入都可以算係一種"業務往來", 要制裁/玩你, 會缺乏名目咩?
Chapman Yeung
2021-06-29 15:29:34 +0000 UTC小弟觀察 Nike CEO 「敝公司係為中國而生嘅」講話後，股價並無異樣，價格更加因為業績理想由 132 飆升 15 巴仙 為 152 美元. 睇嚟，跨國企業花開兩朵為「奶共」「反共」，將會迂迴曲折進行.
德州公
2021-06-29 12:44:29 +0000 UTC改名叫上海匯豐銀行
zzz1eep
2021-06-29 12:06:43 +0000 UTC母公司在倫敦, 身份只係Holding, 真正既HSBC (共) 在香港上市, 比中央渣返D, 請多幾個藍絲, 繼續大中華, 咁你HSBC(共)要合乎當地法律, 人客資料, 限制資金, 全部可以依法辦事, 大大聲支持國安法都得; 哦HSBC(反共) 都唔係香港註冊, 同HSBC (共)係無從屬關係, 都一樣依當地法律辦事, 當然有咩唔出聲就係囉, 當然做業務啦喎, 梗係HSBC 就係HSBC 啦, 反唔反共有咩所謂呢?
Good Year
2021-06-29 11:07:07 +0000 UTC係咪要睇會唔會郁到母公司？
James Green
2021-06-29 10:58:59 +0000 UTC其實講左好耐, 反修例前開始講, 做1個RE structure 大手術, 將HSBC 分拆成HSBC (共) , HSBC (反共) 分別在其他地方上市, 香港各自上市, HSBC group只係作為控股母公司, HSBC (共) 可以在大中華繼續其發展, HSBC (反共) 可以在其他國家搞業務, 牌頭共享HSBC, 全球戶口金融服務不變。年終倫敦HSBC 只係收分紅做業績, HSBC (共) 同HSBC (反共) 都只係HSBC group 子公司, 有獨立既Board 獨立management 到時共又得, 唔共又得
Good Year
2021-06-29 09:45:41 +0000 UTC其實我一直相信 Cryptocurrency 最後還是上不了大檯(當然呢個 topic 好 controversial，歡迎大家賜教)，但如果最終香港作為黑錢聖地，又有可能在本地大行其道。any肥 hsbc 作為香港最大兼發鈔銀行，我倒覺得呢個係世界經濟體系分水嶺。若果中美其中一方、或者一齊郁到佢一分為二，甚至瓜老襯，香港應該都只能一併毀掉(又當然響部份人心目中香港一早已經玩完，不過起碼家下表面上還是很"美麗")。到時中西經濟劇鬥就會催向白熱化，全世界就真的可能會來個大動盪。因此，要真正去郁 hsbc，我還是相信中美兩方會比較剋制，反而人質性質較重。尤其拜登著事處處穩健優先，真係好難叫佢冒呢個險。反而中方卻充滿不確定性又長於打爛仔交，在行動上就處處佔優。
Gary Lee
2021-06-29 09:28:10 +0000 UTC出路很簡單，就是被吞併，成為中銀旗下分支
James Lo
2021-06-29 08:08:14 +0000 UTC出嚟行遲早都要還，但對於老香港人不竟還是感到可惜！
Chi Cheung Chong
2021-06-29 08:06:22 +0000 UTC
