【堅離地國際日報🇦🇫🇺🇸】拜登會被逼與塔利班結盟嗎？
Added 2021-09-02 07:01:03 +0000 UTC美國總統拜登的阿富汗政策，現時正面對非常荒誕的局面。由於塔利班的上台，並沒有出現美國預期的過渡期，本來一切可以buffer處理的模糊空間，一概消失，變成要立刻作出重大決定。而無論拜登如何決定，結局都是慘敗。
此刻美國要決定的很簡單：是否實質上要和塔利班「冰釋前嫌」結盟。一般人的即時反應，自然覺得不反攻塔利班已經很好，還要談「結盟」？是的，結盟。這裏的定義自然不是北約那一類盟友，甚至也不需要即時的外交承認（例如尼克遜訪問北京破冰後，中美也是長時間未建交的）。重點是美國是否凍結阿富汗政府的海外資產，與及是否與塔利班合作打擊ISIS-K。
根據正常倫理，美國凍結塔利班資產，天經地義。但塔利班此刻在中國調教下，已經掌握了「反帝反殖左翼話語權」的奧秘，如果美國繼續凍結資產，這個新阿富汗政府就很可能破產。而目前阿富汗政府連同外匯、海外資產在內的全副身家，據說大概可以支持18個月，假如凍結，可能立刻就出現嚴重通脹、經濟崩潰，然後可能就是饑荒。那時候，中國就可以一邊賑災，一邊批評美國假仁假義，美國國內左翼又會附和，那時候，就失去一切道德高地。然而假如美國現在就解凍，塔利班卻又會演繹為得到美國加持，總之無得輸。
另一個兩難是ISIS-K。雖然塔利班和ISIS屬於競爭對手，但正如早前談及，ISIS-K的存在，卻又逼使美國和塔利班找到合作基礎。倒果為因，ISIS-K的存在，也就因此對塔利班「利多於弊」。如果美國不和塔利班合作「反恐」（「和塔利班合作反恐」這句說話相當有喜感），結果卻令ISIS-K坐大、甚至和塔利班合流，屆時自然是一個國際責任，又會被中俄瘋狂抽水。但假如和塔利班合作，而塔利班依然支持它的恐怖主義分支、以及盟友蓋達，一出現針對美國利益的攻擊，拜登同樣會成為眾矢之的。
時日無多，抉擇總要做。假如你是拜登，會怎樣？
Comments
想問下教授，塔利班呢單野，Sullivan要唔要攬上身負責？
Dai-jyu Loeng
2021-09-03 15:24:42 +0000 UTC藍暫時唔擔心, 反而無黨派既柯P 更加危險
Good Year
2021-09-03 02:10:12 +0000 UTC樓上嘅Wilson Chu講得好啱，國際關係從來都唔係只有二元對立。TSANG YU KIN 亦提到，經由代理人去處理事件係其中一個方法。 以塔利班希望爭取國際認同嘅前題，就算阿富汗出現人道危機，但係以佢哋有控制資訊流通嘅權力，相信西方社會以至主流媒體，亦未必能夠獲得影像資訊，而一向「標榜」不干預別國內政、作為鄰居嘅中国，要顧及一旦揭發及大肆宣傳塔利班施政失誤，會引起嚴重後果。中国協助塔利班隱瞞，有限度提供經援，似乎係更高機率嘅情況。 其實教授團隊身處嘅臺灣，於未來幾年，先至係美國外交政策重點，比中亞嘅阿富汗更重要，更值得作沙盤推演嘅討論。以下就舉個例。 下一屆臺灣大選，藍營於總統及國會多數勝出；當總統宣誓就職、內閣成立之後，第一個宣佈，就係決定回歸中国，為數幾十人嘅解放軍專機，亦早已著陸桃園機場，同時宣佈緊急狀態，全國戒嚴3日；與此同時，主流臺灣紅媒亦大肆評論局勢，為中共政權講好說話，其他綠營廣播及網上媒體，由於駭客入侵而只能有限度運作。雖然戒嚴，有啲刻意未有派駐軍隊嘅街頭，已經有手持五星旗嘅群眾佔據及歡呼。作為臺灣人民，佢哋究竟有無能力動員上街，與及作出抵抗而犧牲嘅覺悟？臺灣街上戒嚴嘅軍隊，會聽命臺灣染紅政府，抑或會企於臺灣人民及臺灣國憲法嘅一邊，甚至作出軍事政變？由於民選政府已經親共反美，而且島上亦已經有小量解放軍駐守，美國政府如何介入？
悉尼 袋鼠
2021-09-03 00:35:12 +0000 UTC可以好似銀行放數咁，用人道理由（塞住國內左膠個咀）一小部分一小部分咁解封。at least 要穩住搭利班，唔好倒向其他對手。之後再慢慢討價還價
Joe
2021-09-02 09:52:37 +0000 UTC佢真係 Make America ShXX again....
eilatoU
2021-09-02 09:10:47 +0000 UTC有 d 野舞若衣
Gary Lee
2021-09-02 08:05:03 +0000 UTC佢後面班友都可以唔理拜登同大陸做刁囉，問拜登做咩呢?
Gary Lee
2021-09-02 08:04:03 +0000 UTC如果純為國際同美國「群眾」利益著想，應該出兵奪回阿富汗，壓抑不同嘅伊斯蘭勢力... 但如此荒誕徹兵，背後嘅利益關係恐怕冇咁簡單。「半結盟」似乎係最可能嘅選擇
2021-09-02 08:02:31 +0000 UTC可唔可以買兩邊，人道支援新政府，代理人支援反塔北方聯盟
TSANG YU KIN
2021-09-02 07:50:41 +0000 UTC首先會去睇醫生
June yu
2021-09-02 07:26:36 +0000 UTC國際關係從來都唔係只有二元對立，朋友同敵人之間可以在好大空間。
Wilson Chu
2021-09-02 07:24:43 +0000 UTC死左去啦拜登
12345
2021-09-02 07:11:36 +0000 UTC堅持扶植阿富汗政權，以阿富汗某個省為根據地，睇情況派米
Frances
2021-09-02 07:11:31 +0000 UTC
