【堅離地國際日報🇪🇺🇺🇸】林鄭為表忠跟緊中國「清零」政策加速搞殘香港・歐美商會不滿：歐企正考慮撒離香港
Added 2021-10-09 01:01:01 +0000 UTC現在全球防疫措施，已分為兩大陣營：以歐美國家為主的「群體免疫」政策，以及以亞洲國家、尤其是中國倡導的「清零」政策。香港目前處於疫情低風險狀況，但堅持「清零」才開關，此舉無論背後有甚麼政治原因，都已經令不少外商開始反彈。
香港美國商會、香港歐洲商務協會多次向「新香港」政府遊說「開關」，一直沒有回應，直到林鄭發表施政報告，表明「香港與中國的關係，比國際企業與全球旅遊的聯繫更重要」，明顯以政治正確凌駕科學，終於令外商死心。
香港歐洲商務協會主席高飛（Frederik Gollob）表示，多間歐洲企業已無法忍受香港嚴格的防疫措施，正考慮撤離香港，或將部分業務轉移至新加坡這類防疫措施已放寬的國家。香港美國商會會長祖泰娜（Tara Joseph）也表示，即使一些大型美企未撤離，但在如此嚴格的防疫措施下維持營運，並不容易。她又指對外商而言，香港作為東西方之間的橋樑，目前的連結性「令人沮喪」。
香港歐洲商務協會在8月更罕有對林鄭發出公開信，警告目前香港的防疫措施「不合比例」，亦是一種大退步，會威脅到香港的國際金融中心地位。而今年早些時候，美國商會的一項調查顯示，有超過四成美企正考慮撤離香港。
弔詭的是，即使香港、澳門都緊跟中國的「封關、清零」政策，奈何每有小波疫情爆發，依然立即被拒於中國大門之外，似乎是要藉口搶推「健康碼」，去落實「社會信用評級系統」的第一步。結果中國目前藉疫情「鎖國」，港澳亦變相「鎖港」，對內乘機大肆搞白色恐怖、大數據管理，卻急速淪為中國的普通城市。北京其實很希望外資留下來，甚至為此煞停《反外國制裁法》，假如歐洲企業真的因為防疫政策離開，就更諷刺。
Comments
喺佢角度 無做錯
jfrey48
2021-10-12 17:19:12 +0000 UTC佢地最近係01放風推行反制裁法又係玩咩？
milia chan
2021-10-11 10:03:35 +0000 UTC澳門朋友、YouTube
Snow Blow
2021-10-10 02:04:00 +0000 UTC同外國做生意，但又限制外國人入境，係咪暗示緊”你賺到錢就得，唔好理我做啲乜？”
Leslie LI
2021-10-09 23:31:15 +0000 UTC要讚下 d 插圖越來越正😂
Chris Chan
2021-10-09 22:37:08 +0000 UTC抗拒程度點得知先，媒體報導？
Chris Chan
2021-10-09 22:36:32 +0000 UTC就算有一人捉晒 d 人去再教育營都唔會有人反抗就事成
Chris Chan
2021-10-09 22:35:11 +0000 UTC政治任務，寧左莫右，反正官員攪死香港都唔駛問責，仲有得步步高陞，why not 唔攪死香港？
Chris Chan
2021-10-09 22:21:57 +0000 UTC佢將香港一直以來嘅搵食方式「清零」
jkXtra
2021-10-09 17:10:48 +0000 UTC其實777係咪高級黑？
悉尼 袋鼠
2021-10-09 15:14:40 +0000 UTC澳門本來嚴格隔離，超過一年無本地感染，可以跟大陸自由來往，澳門人也覺得比香港做得好而自誇。可惜近兩個月出現防疫漏洞，接連出現本地傳播，立即被大陸封關，隔絕所有遊客賭客，搞到最盼望的十一黃金週的翻生機會都就此泡湯。還有停課兼關閉所有消閒場所等措施，使民生大受影響，市民亦開始有怨言。不過澳門所有傳媒早被收編，市民聲音没有渠道反映出來。
Snow Blow
2021-10-09 13:49:51 +0000 UTC格仔打得好👍👍
cho
2021-10-09 10:55:22 +0000 UTC只要聼主子辦事就是唯一的對！
Chow Sindy
2021-10-09 07:33:41 +0000 UTC冇抗拒同聽唔到有人抗拒係兩件事。
Joe
2021-10-09 07:22:38 +0000 UTC但係點解澳門都係行緊清零，市民嘅抗拒程度都冇大？ 係國際關係嘅層面有冇得分析？係咪只係因為澳門比較「乖」同「信正苦」？有冇其他原因？利：住在矽谷的半澳門、半香港人
Iris Iris
2021-10-09 06:15:05 +0000 UTC兩個月內搞三次全民核酸，玩左六十萬澳門人三次，一個個案都驗唔到出黎。另外玩大數據追蹤，「科學地」將佢認為高危嘅人隔離。依家搞到人心惶惶，唔知幾時隻健康馬幾時變紅比人捉。除左痴線，已經搵唔到其他詞形容哩個正苦
Xavier Chang
2021-10-09 05:47:10 +0000 UTC大家睇到港共政府既「防疫」措施（安心出殯、強行隔離但係又有回港易、谷針但係依然有人確診同去完旅行都係要隔離）根本就係同防疫毫無關係，不如話係用防疫去剝奪港人既自由同靈魂仲準確。 所以777 咁講係絕對正常，佢心中只有北京，其他野根本唔重要。 2年前如果你仲相信個政府係講道理同改善，證明你係有常識有思考既人。到今時今日你仲信佢，只係你太天真太傻，冇長大（俗稱憨鳩）。D鬼佬外資真係祝你好運。
Joe
2021-10-09 05:16:12 +0000 UTC澳門近期10宗本地傳播，連同追蹤確診者的巴士同車乘客，現在最少有4200人被禁閉隔離檢疫。政府已在推動澳門通(等同八達通)强制實名登記，方便追蹤個人行蹤。
Snow Blow
2021-10-09 04:07:58 +0000 UTC我撐正苦呀，你的外商鳩噏話要走咁耐都唔肯走，表示只係想扮走去嚇特衰政府，影響人哋施政。請佢哋唔好all talk no action，講得出走就要做得到，唔係就唔好咁多爹，乖乖接受21日隔離。再講多d就加埋強制肛探病毒。
Mr ABC
2021-10-09 03:41:21 +0000 UTC佢吾怕人走/移民，係怕你帶錢走，所以要搞mpf 年金制。
Martin Chan
2021-10-09 03:32:50 +0000 UTC因工作關係，得知外資公司及西方商會，已經唔想理香港政府做咩，根本費事同你講咁多，外資撤離去其他亞洲國家做HQ固然影響香港，咁多香港市民離開，最慘係個政府仲未知錯，究竟幾時先醒，真係成個香港比佢攪彎晒
Karen
2021-10-09 03:14:56 +0000 UTC依家唔係「清零」，簡直係「清袋」，「一舖」嗰隻。
Alvin
2021-10-09 02:45:48 +0000 UTC其實一直以黎，我覺得無論係清零定共存，有一個好奇怪嘅邏輯問題。既然一直清零，點解要谷針? 老人家問我，打針高風險，但打左好似有保護性多 d 又 free d，打唔打針好? 我答: 其實如果一直清零，要求全斷病毒鏈。社區感染疫症風險低，仲使乜去冒險打針? 除非你只係貪打完針 free D。 聞說香港已經超過一半人口打左針，亦已有數個月維持極低感染率。反而內地不斷有零星個案，敢問向內地通關又如何保證清零? 打針有打針的問題，就係好多時打完針嘅帶菌者因為冇病徵，變做左病疫傳播媒介而不自知。若果向內地通關，導致大量冇病徵帶菌者入港，而令香港重見社會爆發，而香港大眾仲未接受到西方共存果套連帶出黎嘅"其實係總有人會病會死"，個鑊邊個揹? 西方谷到針，係因為人民明白不可能永遠 lock down，唔 lock down 就一定有病疫入侵，唔打針就遲早奶。你要清零，又要人打針，其實真係想問，究竟武肺死得人多，定打針死得人多?
Gary Lee
2021-10-09 02:44:28 +0000 UTC
