【國際日報🇪🇺🇷🇺🛢⚡️】大戰略：歐洲依賴俄羅斯燃油供應，莫斯科資助環團抗爭是遠因之一？
Added 2022-04-23 03:02:00 +0000 UTC歐洲能源高度依賴俄羅斯的天然氣供應，是對俄羅斯實施全面經濟制裁的一大軟肋，對此美國前總統特朗普曾多次警告。然而，現象成因並非歐洲自身缺乏燃油庫存——只在15年前，歐洲境內的天然氣產量其實比俄羅斯出口量還要多。歐洲產量過往十年大幅下降，俄羅斯供應才能補足缺口，而產量大跌其中一個遠因，就是歐洲環保團體的抗爭行動，阻止企業運用水力壓裂法去開採燃油。
重點是：這些環保團體除了環保理念，還有沒有其他勢力左右？
我們可參考《華爾街日報》在俄烏戰事開始後刊登的社論文章，去嘗試分析歐洲能源危機背後不為人知的起因。例如早在2014年，美國能源巨頭雪佛龍公司擬在羅馬尼亞一處鄉鎮，運用水力壓裂法鑽探頁岩氣，但遭到不明來歷資金的環保團體抗議，最終當局在群眾壓力下擱置計劃。《華爾街日報》文章直指這些環團的幕後金主，正是俄羅斯的國營天然氣公司（Gazprom）。
北約前秘書長拉斯穆森當年亦已經在《外交政策》雜誌撰文，直指俄羅斯運用資訊戰手段，積極操控倡議環保、反對水力壓裂法開採的非政府組織，目的正是確保歐洲長期依賴俄羅斯的天然氣供應。
2015年，俄羅斯天然氣公司截斷對烏克蘭的供氣管道，當時並沒有令歐洲國家警覺俄國的意圖，而發掘其他燃油供應 。德國更是反行其道，興建北溪2號管道，務求直接從俄國境內進口天然氣，《華爾街日報》形容事件發展「令人驚訝」。而就在去年，俄國向歐洲供油量放緩之際，英國當局依然駁回蜆殼公司（Shell）在北海開發天然氣田的申請。
但另一方面，西方的能源企業巨頭並沒有真的促進全球環保。它們在過往十多年，進行所謂「能源多元化」計劃，只是企圖透過投資俄國燃油企業獲利。例如英國石油公司在2013年收購俄羅斯石油公司近2成股份，最後卻陷入普京炮製的「能源武器化」陷阱。如今歐美各國制裁俄羅斯國營企業，令已經和俄資結合的西方能源企業被逼倉卒撤資，可說得不償失。
《華爾街日報》社評總結過去十年歐洲與俄羅斯在能源問題周旋的教訓：阻止在歐洲境內開發燃油，並不會「讓碳元素留在地底」，只會將戰略武器拱手讓給獨裁政權，拿來對付自己。然而歐洲各國政府到何時才真正汲取教訓，擺脫俄國的能源陷阱，仍不得而知。同一邏輯，中國有沒有資助類似國際NGO，去促成自己的戰略目的，自然也應該仔細調查。
Comments
見過有啲人傳統左右都未分清就嗌定左膠先，當正潮語咁嗌，輸人唔輸陣。
Ken Ng
2022-04-24 20:33:30 +0000 UTC順便送上被專打左膠嘅香港人，稱之為左膠大報之一嘅《華盛頓郵報》，一位專欄作家向受牢獄之苦嘅香港手足致敬 文章 (不過打左膠嘅香港人，始終都係更加希望Trump攞獎吧？) (paywall) Opinion: Why Hong Kong’s prisoners of conscience deserve the Nobel Peace Prize By Josh Rogin - Columnist https://www.washingtonpost.com/opinions/2022/04/19/imprisoned-hong-kong-activists-deserve-nobel-prize/
悉尼 袋鼠
2022-04-24 16:25:31 +0000 UTCTL;DR 當你濫用《左膠》一詞去打左膠，結果同使用『黑五類』一詞無乜分別。 1968年蘇聯揮軍進入捷克，以坦克車鎮壓布拉格之春抗爭者，當時有一部份左派學者，以原主義去為蘇共暴行辯護，被左中右跨政治光譜嘅人批評，並標籤為Tankie。呢啲係名副其實嘅左膠，我都會打埋一份。而家俄烏戰爭，社交網絡平台上，啲鍵盤戰士及西方記者，都成群去打tankies、Russia 及 China apologists。但係打左膠嘅香港人，將成個中間及左邊嘅政治光譜都稱之為左膠，批人而唔係批事，將左膠一詞淪為批鬥標籤，就係謬誤。 打左膠嘅香港人最大嘅問題，就係見到反侵、講環保¹、講LBTGI²、講BLM³，就會睇唔順眼，全部有理無理都被打成左膠？19才子係佼佼者，聽佢講吓笑就無乜所謂，但係如果你唔過濾一下，全單照收當係金石良言去外國，成個西方世界都只係充斥著你要打嘅左膠（甚至乎新黑五類⁴），香港人條路只會越行越窄！ 另一方面，有無覺得環保少女，『搶走』咗本應該由香港人獲得嘅《時代雜誌》2019年風雲人物*虛名*，加上佢又有啲寸寸貢樣衰睇唔順眼，所以一定要當佢左膠咁打？（印象中佢除咗同黃之鋒有幾句，唔見有評論香港，亦無奶共言論） 所有主流媒體，例如華盛頓郵報、紐約時報，係咪又係左膠媒體呀？你哋打左膠嘅香港人，有無睇過邊啲媒體，响2019年係最多幫香港人講說話？雖然無錯，係香港人喚醒全世界，睇到中國嘅威脅，因為外國媒體認同香港人而大肆報導、聲援，但係當你哋响2020年，撐Trump、打倒你哋所謂左膠媒體，除咗最直接影響，就係你已經全盤否定佢哋嘅權威，包括佢哋曾經為香港講過輿論，此外，啲主流媒體當時係有留意，究竟呢部份香港人嘅價值觀，係咪仲係佢哋以前所理解。 最攪笑嘅係，當時2020年尾美國大選，香港KOLs一窩蜂打左膠，香港人亦唔少打左膠，將所有美國主流媒體講成為香港人公敵，之後過去一年，要揾材料揼中国，又係經常引述美國主流媒體！ 香港人祟尚西方社會，係因為制度上講法理、自由、人權，更重要係有一個自我修正功能，而當中包括關注及參與各種平權訴求。對於西方世界而言，中国威脅當然要討論，烏克蘭嘅人要幫，諸如此類，但係公民亦有自由去集中佢個人嘅精力，去關注環保問題好、去關注動物權益好。只要呢啲個別人士、團體，無作出任何相關支持中共嘅左膠言論，佢做乜關撚你事？ ¹日報內文qualified咗講邊一啲環保團體，可能根本就係掛羊頭賣狗肉嘅滲透組織。 ²對於依然留响香港嘅何CC、志雲大師，有乜睇法？ ³假如係針對暴力事件，批評其手段，當然無問題（不過你最好有本事，為香港勇武抗爭者辯護… 我同外國人拆得掂呀，你呢？） ⁴將５批你睇唔順眼嘅人加個膠字
悉尼 袋鼠
2022-04-24 16:19:50 +0000 UTCTL;DR 當你濫用《左膠》一詞去打左膠，結果同使用『黑五類』一詞無乜分別。 Alvin L，你嘅回應，十分之二元選擇。歐洲唔開採天然氣，就一定要依賴俄羅斯天然氣，完全無考慮其他替代能源方案？至於滲透情況，只有左膠先至可以被滲透、利用¹？ 我之前一段，一個『侵』字都無提過，反而你嘅回應，先至係敵我分明吧！日報文中，已經提及西方能源巨企俄羅斯揾快錢，亦係影響歐洲能源安全主因之一，又唔見你打埋一份？ 1968年蘇聯揮軍入侵捷克，鎮壓布拉格之春抗爭者，當時有一部份左派學者，以原主義去為蘇共暴行辯護，被左中右跨政治光譜嘅人批評，並標籤為Tankie。呢啲係名副其實嘅左膠，我都會打埋一份，Twitter上啲鍵盤戰士及西方大報記者，都成群去打tankies (及China apologists)。但係打左膠嘅香港人將成個中間及左邊嘅政治光譜稱之為左膠，批人而唔係批事，就係謬誤，將左膠一詞淪為批鬥標籤。 你同埋唔少打左膠嘅香港人最大嘅問題，就係見到反侵、講環保²、講LBTGI³、講BLM⁴，就會睇唔順眼，全部有理無理都被打成左膠？19才子係佼佼者，聽佢講吓笑就無乜所謂，但係如果你唔過濾一下，全單照收當係金石良言去外國，成個西方世界都係充斥著你要打嘅左膠（甚至乎新黑五類⁵）香港人條路只會越窄！ 另一方面，有無覺得環保少女，『搶走』咗本應該由香港人獲得嘅《時代雜誌》2019年風雲人物*虛名*，加上佢又有啲寸寸貢樣衰睇唔順眼，所以一定要當佢左膠咁打？（印象中佢除咗同黃之鋒有幾句，唔見有評論香港，亦無奶共言論） 所有主流媒體，例如華盛頓郵報、紐約時報，係咪又係左膠媒體呀？你哋打左膠嘅香港人，有無睇過邊啲媒體，响2019年係最多幫香港人講說話？雖然無錯，係香港人喚醒全世界，睇到中國嘅威脅，因為外國媒體認同香港人而大肆報導、聲援，但係當你哋响2020年，撐Trump、打倒你哋所謂左膠媒體，除咗最直接影響，就係你已經全盤否定佢哋嘅權威，包括佢哋曾經為香港講過輿論，此外，啲主流媒體當時係有留意，究竟呢部份香港人嘅價值觀，係咪仲係佢哋以前所理解。 最攪笑嘅係，當時2020年尾美國大選，香港KOLs一窩蜂打左膠，香港人亦唔少打左膠，將所有美國主流媒體講成為香港人公敵，之後過去一年，要揾材料揼中国，又係經常引述美國主流媒體！ 香港人祟尚西方社會，係因為制度上講法理、自由、人權，更重要係有一個自我修正功能，而當中包括關注及參與各種平權訴求。對於西方世界而言，中国威脅當然要討論，烏克蘭嘅人要幫，諸如此類，但係公民亦有自由去集中佢個人嘅精力，去關注環保問題好、去關注動物權益好。如果個別人士、團體，無作出任何相關支持中共於嘅左膠言論，佢做乜關撚你事？ ¹而家法國大選，你不訪都去查一查瑪琳．勒龐嘅背景先啦，公開資料嚟，唔可以一口咬定，但參考價值 ²日報內文qualified咗講邊一啲環保團體，可能根本就係掛羊頭賣狗肉嘅滲透組織。 ³點睇仲留响香港嘅何CC、志雲大師？ ⁴如果你係針對暴力事件，批評其手段，當然無問題（不過你最好有本事，為香港勇武抗爭者嘅手段辯護… 我同外國人拆得掂呀，你呢？） ⁵將５批你睇唔順眼嘅人加個膠字
悉尼 袋鼠
2022-04-24 16:18:18 +0000 UTC中俄（包括前蘇聯）政治滲透嘅問題，同歐美左膠充斥，真係偶然，而唔係因果關係？ 侵侵幾年前指出歐洲依賴俄國天然氣後患無窮，俾左膠恥笑謾罵，到底係邊個對人不對等事，立場先行，政治表態歸邊呀？ 左派凡事分敵我，自己歸邊就話反對你嘅人歸邊，咁對家歸邊係因定係果呀？
Alvin
2022-04-23 17:26:21 +0000 UTC同意日報文章分析，只不過部份留言之中，將一個政治滲透嘅問題，變成標籤左膠去批鬥唔順眼嘅人，淪落於政治表態歸邊，失去咗可以討論對策空間。 我以前已經留過言，講過澳洲再生能源發展。呢度唔再講嘞。唯一要補充嘅，就係呢度國家固網，每半小時批發產電價格，好多時係出現負數成交價**，只要解決到氫氣生產及應用技術，及解決基礎網絡建造嘅問題（network externalities，於新科技應用，要挑戰既有網絡，與及雞同雞蛋嘅問題），成功嘅話，對未來十年、廿年後嘅國際關係發展，有重大影響。 **即係電力公司，該半小時貼錢俾你，用電力從事生產活動。雖然間中亦有出現高昂價格，但係而家大規模使用固網電池，打破FCAS市場嘅集體壟斷，之後就好咗好多。西方市場有好多弊病，但係係有少量干預、而又依然係市場嘅方法去解決。打倒邊個左膠、撐邊個霸主係唔會解決到問題。
悉尼 袋鼠
2022-04-23 13:10:03 +0000 UTC拜登仲拜托果班獨裁政權增產石油都唔增加美國國內生產，只係佢自己既環保政策攪到自己俾普京揸住自己同盟友痛腳，呢個將死之人真係累死全部人。
Chris Chan
2022-04-23 12:23:01 +0000 UTC西方政府需要一套方針去對付環保左膠，呢d左膠太易被敵人利用，既然正面講道理、講法律唔掂，就要玩陰濕，在國安問題上，這是冇計的
Wong Jack
2022-04-23 11:48:05 +0000 UTC其實西方國家有冇法例監管國內團體接受外國資助？
Morikazu
2022-04-23 10:01:15 +0000 UTC環保從來都係搵食
Kirishima
2022-04-23 08:58:14 +0000 UTC美國嗰個氣候柒頭John Kerry仲話油車轉電車步伐要大幅加快，P佢個K，電池原料又唔夠，發電量又跟唔上，點Q轉？
Alvin
2022-04-23 06:48:24 +0000 UTC所以侵侵又講中晒。 下一禍可能係ev嘅電池原料。可以去查下。 我就死都繼續揸棍波油車
R.V.
2022-04-23 04:18:42 +0000 UTCThanks for sharing. Never knew this background.
Weeky Wong
2022-04-23 03:35:23 +0000 UTC
