simonshen

【美麗新香港🇭🇰】李家超黃袍加身：建制誠實豆沙包一覽

Added 2022-04-09 11:01:59 +0000 UTC

李家超黃袍加身，全體建制派和其他香港人一樣，只能「硬食」，他們被動員支持李家超的宣言，其實都非常坦白，非常精采，值得重溫。

譚惠珠：「即使只有一個人參選，也不會令選擇減少」（人話翻譯：你班傻仔，呢個位從來都無得揀，有幾多人參選都係做戲，零減零等於零，一個人選又點會減少選擇呢？）
劉兆佳：「（李家超的政綱），大家心中有數」（人話翻譯：條友擺明係傀儡，洗鬼有政綱，求其抄梁振英個份都無人知，何況同軍政府講政綱？心中有數啦）
馬逢國：「到宜家呢一刻，我睇唔到有咩人係特別對李司長有好大嘅抗拒」（人話翻譯：係人都抗拒呢個政府，邊個做都無分別、都咁廢，香港人一視同仁，鬼得閒「特別」抗拒一個傀儡）
林健鋒：「（李家超欠缺工商金融經驗？）李家超於警隊工作時早已認識自己」（人話翻譯：佢真係唔識架啵！）
譚耀宗：「有很多人希望成為李家超的助選義工，反映李家超深慶得人」（人話翻譯：條友一個人都無，又要欽點佢，梗係三唔識七都仆埋黎扮幫手抽水啦）
狄志遠：「李家超予人『武官』感覺﹐但與對方相處後，知道他有『柔軟』一面」（人話翻譯：原來佢都識郁架）
陳茂波：「欣悉李家超先生已辭去政務司司長一職，並擬參加第六屆行政長官選舉，祝願他一切順利」（阿爺撐你，我點敢唔跪，睇路啦）
郭炳聯：「李家超投身公僕四十餘年，行政經驗豐富，近年出掌要職，處理社會事件，落實《香港國安法》和完善選舉制度，立場堅定，勇於擔當，實現香港『由亂及治』重大歷史轉折，深信李家超有能力為香港未來謀福祉，進一步帶領香港融入國家發展大局，踏入『由治及興』的新征程，推進『一國兩制』實踐行穩致遠」（人話翻譯：老細，我成段template唔知你up乜9都照讀晒出黎，唔好搞我啲地啦）
眾「選委」心聲：「我們知道他們在說謊，他們也知道自己是說謊，他們也知道我們知道他們在說謊，我們也知道他們知道我們知道他們說謊，但是他們依然在說謊，我們當然要更努力說謊」