【隨緣家書】Web3原住民：香港人未來的最後希望？
Added 2022-06-03 16:02:00 +0000 UTC日前和另一位IT高人飯聚，他可說是香港公民社會的虛擬靈魂，日後時機合適時，好應該介紹他的傳奇故事。
這次希望先分享的是一個insight。
他認為，地理上的香港已經不復存在，要有機會重生，就要好像電腦backup一切軟件那樣，找機會重來一次。然而昔日香港人沒有危機意識，到了蘋果、立場、無數NGO消失，才急急忙忙backup，已經太晚。即使有人存檔，由於來源沒有絕對保證，政權也可以捏造歷史，屆時就算可以在安全地方重新上載，也要面臨話語權之爭。
但他覺得從今天開始，也未為晚。畢竟此刻海外港人傳承了真香港的靈魂，可以作為牆內輸送到牆外的橋樑。而在Web3的世界，根本沒有「backup」這個工序，因為一切發表時就在區塊鏈，已經怎樣也刪除不了，政權那些打擊真新聞的《假新聞法》，只會淪為笑話，對它們毫無用處。留下不能刪除的內容，就像留下香港人的靈魂，總有一日可以借體重生。
然而他慨嘆一般香港人經歷大變之後，還未有這個意識，也普遍未能了解Web2和Web3的分別，認為到了下一代的「Web3」原住民出現，徹底改變網上生活習慣，一切才能事半功倍。事實上，目前全球只有大約2000萬Web3用家，假如香港人能先拔頭籌，甚至能在整個Web3發展歷史有領航作用。
除了內容的永久保留，在Web3世界的交易，也是足以繞過任何政權的重要工具。以各式各樣的虛擬貨幣交易，政權難以掌握任何資金流的把柄，甚至連徵稅，技術上也很困難。不少新一代富豪完全以虛擬貨幣生活，自然原因眾多，但背後的無政府思維，已經令大國政府不分民主、獨裁，都有所「覺悟」。
在這個圖像當中，我們能看見香港人的未來嗎？
Comments
Blockchain技術上無問題，只係application上未有真正合適的應用。 做coin，個應用未去到一般貨幣的普及流通。 NFT，還是很小衆，都未有真正大衆都會參與的應用。 Web 3.0，有個好根本的邏輯問題，做個去中心化的平台為目的，對於投資者就如投資一樣無保障的項目。用家有ownership可以好易轉平台。那麼投資又如何獲利/回本？如何應付日常基本維護？當人數越來越少，就更加死胡同。
Joney Chow
2022-06-06 00:57:35 +0000 UTC認同 👍 可唔可以叫做『演算法霸權』… Matrix? 雖然Blockchain會於實體世界可以應用嘅地方。
悉尼 袋鼠
2022-06-05 11:54:41 +0000 UTC我重複 IT9 入面萬鈞一句說話，‘去中心化只係產生另一個中心’，一句主角都冇駁斥嘅說話。Web3 今日只係網絡世界上嘅空中樓閣，業界要著地，竟然係要求絕大部份對 IT 對程式沒認識嘅民眾，自我進入一個沒有規則，沒有法律保護，金錢交易藏污納垢嘅地方，其實本身就沒有謙卑。我真心勸果 d 元宇宙人民一句： 1. 去中心化本身就係奪取政權權力，尤其係獨裁政權 2. 虛擬貨幣破壞國家貨幣政策，因為其不能調節性。以上兩點，已經可以令絕大部份國家不會長期容納 Web3。Web3 革命如果要大要成功，係要大到一手摧毀全世界今時今日以國家為本位嘅文明，先可以廣泛流通。沒有這個志氣，我敢講 Web3 過多千年萬年都冇可能著地，莫講三五十年後，blockchain 已經響科技潮流巨輪中唔知仲有咩位置。
Gary Lee
2022-06-04 10:02:46 +0000 UTC當年都一樣有人話 Bitcoin 邊度值錢，又有人用一萬個 bitcoin 買一塊 Pizza.
Chris Chan
2022-06-04 09:32:42 +0000 UTC其實 IT 世界既野就係咁，DYOR 係基本。 如果計血本無歸，當年Dot com 浪潮時，買 8 號仔輸身家既一樣無得賠，都唔好話有監管就會好得多。
Chris Chan
2022-06-04 09:12:22 +0000 UTCHyperLedger 哩尐，非 IT 人會當外星語。 Sell dream 人人愛聽，亦沒辦法。
Dxv
2022-06-04 07:45:00 +0000 UTC當然唔係指責所有web3從業員，無錢賺邊個會攪新project，點推動行業發展。但眼見新手九成九都血本無歸，提醒下大家，唔了解既就了解多D先，小心投資。crypto變化咁快，就算做緊果D都係一知半解
Kit
2022-06-04 02:47:07 +0000 UTCDecentralisation 同 communism 其實好似 個 ideology 好吸引，但結果往往係相反…
Dennis Lee
2022-06-04 02:41:10 +0000 UTC最簡單一件事，你試吓攞個 bitcoin 去搭車，睇吓得唔得
Dxv
2022-06-04 02:08:02 +0000 UTCWeb3就好似發現新大陸早期階段,處處充滿危機,只有有實力探險家先可以面對變幻挑戰,成為元宇宙頭啖湯勝利者
Johnny Lau
2022-06-04 01:23:34 +0000 UTC唔完全同意，正如有人用 internet 做詐騙，唔等於 internet 成件事係 Scam. 部分同意係除左 BTC ETH 外，大部分都無辦法用算力做保障，只係淪為另一種中心化既包裝。 要真正有私隱，就要係礦場直接買第一手 mine 出黎既 BTC 同 ETH ，咁由源頭已經做到無辦法追蹤。
Chris Chan
2022-06-03 19:43:56 +0000 UTC如果高人係我都識果個既話，佢絕對係身體力行做，仲要做左好多年。 連真身都未知就急住話人地係冷氣軍師，真係令人無奈。
Chris Chan
2022-06-03 19:37:52 +0000 UTC現在根本沒有一個叫web3的網絡世界存在，更遑論什麼有2千萬人使用。Blockchain是一種Ledger, 他不會也不能夠創造一種新嘅網絡世界。Blockchain and Metaverse其實也沒有必然關係，如果真係有一個元宇宙咁複雜嘅世界出現而有用晒Blockchain去記錄所有嘢嘅話、資源浪費真係唔敢想像。
Alban Kwan
2022-06-03 18:04:47 +0000 UTC目前 web3 不過係呃D唔識 tech 既人買 shitcoins 既 buzzword。好多新人因為咩去中心化，web3呢D宣傳技巧吸引左去投資 crypto，然後佢地永遠唔會買真正去中化既 BTC/ETH呢D，只會買D中心化既 shitcoins，用中心化交易所binance/opensea，買中心化由一間公司控制既虛擬地產。 好似最近歸左0又重新出隻新token既luna就係好例子，控制權係 VC, project owner 度，散戶只會係韭菜。D shitcoin projects通常都好識包裝，咩DAO, 獨一無二NFT，play to earn，全部係廢話黎，唔識 tech 好易比人割。 Finance = 銀行夾埋政府割市民韭菜 DeFi = 去中心化，大家互割韭菜，舊人割新人韭菜 好多blockchain social media 攪左十幾年都無咩起色，因為blockchain只係一本公開數薄。用黎做application係好無效率，最後9成功能都係放AWS同web2跟本無分別，只係掛名用左blockchain技術，但用唔用根本無分別。 如果唔係用 privacy chain好似XMR呢D既話，D交易其實係追緃到，而且好多交易所都會同政府合作，會比客戶資料政府去追稅。 最後本人看好 web3 metaverse 未來既發展，只係技術根本未有，掛個名賣呢類product 比人話係SCAM亦係無可口非
Kit
2022-06-03 17:28:27 +0000 UTCsimonishandsome
2022-06-03 16:17:43 +0000 UTC
