【國際短評🇦🇺🇨🇳】澳洲攝影師拍攝反習示威遇襲 施襲小粉紅罪成免入獄
Added 2022-06-14 03:01:02 +0000 UTC澳洲大選期間，有參選人於雪梨伊士活（Eastwood）華人社區示威，並舉起反習近平標語，引起多名在場人士不滿，其中一名華裔男子襲擊拍攝示威活動的攝影師，並試圖搶去其相機。該華裔男子張爽（Shuang Zhang音譯）其後被控普通襲擊罪，日前出庭應訊時承認控罪，被判18個月社區懲教令和罰款1500澳元，惟未有被判監，以「新香港」標準，自然匪夷所思。
事發於4月30日，「反送中」運動期間曾高調撐港的昆士蘭州參議院參選人柏樂志（Drew Pavlou）為其政黨的參選人東杜（Kyinzom Dhongdue）拉票，並舉起寫有「Fuck Xi Jinping」和「习近平操你妈」的示威標語。從現場片段可見，多名當地華人不滿柏樂志的行徑，不斷以粗言穢語辱罵他，張爽其後走近在旁的攝影師Chris Bruyne，先從後熊抱他、並試圖搶去其相機，再大力將他推開，攝影師幾乎倒地。張爽後來再搶走柏樂志的示威標語，把它折開兩半後扔在地上踐踏，並繼續指罵。
澳洲警方之後以涉嫌普通襲擊罪，檢控現年48歲的張爽，他承認控罪時只能在翻譯員協助下發言，指自己在澳洲生活多年，之前未曾犯罪，為當日的行徑感到後悔、且深表歉意，同時辯稱自己並非刻意傷害對方，事發時只是抱着、而非推開受害人。他透露自己是建造業臨時工，工作因受疫情影響而變得不穩定，擔心判罪會令自己留有案底，繼而不獲聘用、影響工作機會。
裁判官認為張爽用雙手擋著Chris Bruyne，「令（受害者）難以呼吸，並繼而試圖將他推倒在地」，沒有理由寬容處理，但依然毋須入獄。
海外小粉紅挑釁反中示威者的場面屢見不鮮，口角、辱罵、甚至如今次事件般的動手均十分常見，惟他們往往因當地執法部門息事寧人，而可全身而退，即使違反了當地法律，亦甚少遭受嚴重刑責。基於「仇恨犯罪」的襲擊如何被加強刑罰，乃至對有疑似外國政府操控的這類犯罪加以辨析，已經是自由國家的當務之急。否則一律以普通襲擊論處，對所有人帶來的潛在威脅毫不理會，又如何捍衛國家安全和核心價值？
Comments
利用手上護照去找好生活 不顧承諾做個西方國家國民 去支持民主人權平等價值觀 這種人無人格表裏不一 西方國家應送佢哋回去偉大嘅 中华人民共產国 在地報効組国
Henry Tsui
2022-06-14 23:55:44 +0000 UTCDrew Pavlou 因舉牌被捕，可否報導和評論一下？
Tanjiro
2022-06-14 22:31:35 +0000 UTC先講最重要嘅嘢：真正同國家安全有關係嘅，係中共大外宣，對中国移民嘅思想滲透，呢樣先至係要根治嘅問題！ ============================================= 你嘅結語，質疑法官裁決能否捍衛國家安全，而唔係讓法官按實際案情作研判，其實同香港以國安大法，作為審判原則嘅「依法治國」有乜分別？ 澳洲要捍衛國家安全及核心價值，首要就係專重三權分立，當中專重司法有獨立自主，由其他權力機關及公民社會監督，包括呢度公民討論，執法機關有上訴機制，立法機關可以根據民意加強立法。 老實講，呢一單嘢就係普通襲擊，唔知你點會強行扯上Hate Crime去控訴打佢嘅小粉紅。而且就算判佢小粉紅10年8年，都唔見得會反制到大外宣滲透，（而且反問一句，因為政見撐某國領導人加刑，法律定義上算唔算係政治犯呢？）
悉尼 袋鼠
2022-06-14 16:46:20 +0000 UTC美國檢察官，特別係左膠嗰班告hate crime，唔係要「尋求真理」，而係尋求政治籌碼，討好少數族裔，尤其係黑人。絕大部告hate crime都係白人侵犯黑人，各少數族裔之間極少出現。 點解檢察官要政治籌碼？因為大部分州份嘅檢察官都係民選產生。
Alvin
2022-06-14 07:32:14 +0000 UTC如果西方仍然用這種故息政策，小粉紅更囂張
My
2022-06-14 07:09:02 +0000 UTC唔知個裁判官乜背景，美國有一大班左膠撿察官同法官，用criminal justice reform口號，對少數族裔犯人超級鬆手，喺班白左眼中，hate crime只限白人對少數族裔，唔同少數族裔之間，白左係唔認為會用得著。
Alvin
2022-06-14 04:20:47 +0000 UTC>> 基於「仇恨犯罪」的襲擊如何被加強刑罰 以美國為例，其實「仇恨犯罪」比普通襲擊罪更難入罪。往往施暴者本來以普通襲擊罪必定入罪，但控方為求真理，堅持以「仇恨犯罪」檢控，反而令施暴者脫身。
Kam
2022-06-14 04:19:54 +0000 UTC喺澳洲，用粗口問候州長、總理嘅人比比皆是，從來冇見過一個澳洲人要挺身而出為領導人抱不平。會做呢一樣嘢嘅人恐怕只有喺極權政府之下，將領導人同國家捆綁埋一齊嘅傳統帝王思想先至會做得出。我感到可憐嘅係呢一位千里迢迢過嚟澳洲尋找工作機會嘅人，既然那麼抱打不平，為何不將自己建造業嘅技能貢獻祖國，為祖國建設更加多高樓大廈，反而為自己臨時工隨時不保而感到憂慮呢？聽我講，快啲返祖國啦，祖國需要你，澳洲對你黎講太危險啦。
Martin Chan
2022-06-14 03:13:17 +0000 UTC
