【讀者分享⛪️】牧師高高在上，還是凡人一個？
Added 2023-03-06 08:01:02 +0000 UTC曾幾何時，尤其是係我年幼嘅時候，我都認為牧師係高高在上，應該比任何人都清高。
幼稚園便開始接觸基督教，因為都是在教會學校長大。就是到了中學入了官立學校，雖然家人並非信徒，最後輾轉還是返了教會。
崇拜時候望着在講台上，穿着黑色神職人員外套的牧師，有着神聖不可侵犯的感覺。他們好像學識廣博，能言善辯，實在令當時嘅我十分羨慕。
後來移民了來澳洲，一眾牧者仍然給了我這個感覺，就是好叻好勁好犀利。
直至童年的一些朋友成為了牧者。
及後返到香港，去了一間比較小型嘅教會，才開始發覺，牧師都係人。佢個老婆同屋村師奶係冇分別嘅，一樣八卦一樣市儈一樣貪小便宜。信仰上佢哋絕無偏差，行為上跟我小時所認識的大相徑庭。因為有些更年紀相若，跟他們成為了朋友，才發現，其實佢哋日常生活同自己差唔多。返工放工湊仔補習，屋企有個工人姐姐，請下朋友食飯又或者去人屋企食飯，如果你唔講，我估冇人知道原來佢係神職人員。
有朋友嘅太太更加好怕人叫佢「師母」，平時冇咩都會柄埋，最好唔好提佢老公係神職人員；後來更有擔任牧職嘅朋友與配偶離異，孩子們反叛等等，更讓我肯定，他們都只是有血有肉的普通人，各自也有像家裏的問題，他們不過是靈性上跟我們有點兒不一樣而已。
去到2019年嘅時候，跟我認識的一些教牧，都會在這個議題上有着不同的意見，走在前線的當然有，冷眼旁觀的也有，黯然離開教會，去到世界其他地方的也有。到外國去，基礎上都係為了下一代，怪不了誰。如果你話牧師唔係個個都應該要犧牲小我為大局着想嗎？come on，這是天真。就算他們真的有理想有抱負，也會感覺疲倦也會Burn Out，不鼓勵不協助不支持不貢獻卻只有抱怨，對事情沒有多大的幫助。
對於在過去幾年努力不懈，幫助同路人的教牧同工們，無論你們最後選擇了退下來還是繼續奮戰，也請你們多多保重。
▶️ 洪國謙牧師：離港赴台心聲：願香港基督徒化整為零be water，並以梁燕城博士為鑒
https://www.youtube.com/watch?v=rSS4HQ7Nszs
