【讀者分享】留下來的人，為什麼留下來？
Added 2023-04-07 10:31:22 +0000 UTC對於移民與否，心情其實可以好複雜，要整合一下所有零碎的想法也不容易。
香港好多負能量，但如果本身搵錢唔少，又本身唔理政治新聞（或者根本未搞到自己），好難有大誘因離開。離開香港當然可以繼續回報香港，不過有啲嘢係留喺香港先做到。
香港有啲地位的藍絲（起碼同政府內部有啲關係的人）其實都好唔滿意中央，但宜家佢哋最關心的不是什麼政治檢控，對佢哋嚟講嗰啲受害人/政治人物已經過晒氣、不入流。佢哋最擔心其實係明日大嶼，會一舖使晒香港啲錢，到時話知你成功光復香港，到頭來只剩下一個爛攤子。
國際上，特朗普俾拜登政府搞緊，總統應該選唔成，貿易戰好可能打唔成。美國的地區銀行爆煲，歐洲銀行都衰緊，普遍相信歐美經濟會再衰落去（但係啱啱先完疫情）。香港經濟好唔好，其實就係睇外水（外國資金）同北水（大陸資金）嚟唔嚟香港，有冇資金入去股市呢啲本身好公開，根本啲人就唔信國安法會搞到外企，邊個俾人拉，都只係茶杯裡的風波。
依目前睇，習近平固然在國內好獨裁，啱啱先判咗劉亞洲坐終身，但佢並唔係完全想孤立自己/想打冷戰，佢未有實力。嗰個《中俄聯合聲明》到底有幾重要？重要性可能同《中英聯合聲明》差唔多，適當時候就會變歷史文件（笑），目前都係想拉攏中東搞石油-人民幣結算。至於李家超話香港投資落去中東，不過小菜一碟。
唔好怪我市儈，我亦唔係想幫政府講說話，不過根據我理解，《國安法》後嗰波移民潮已經完咗，宜家個形勢其實係不利移民。唔知香港的朋友有冇留意，近年街上多咗好多收買佬，收舊黑膠、舊酸枝、郵票等，基本上都係因為移民潮造成，要移民搬唔走晒啲嘢，所以先多咗咁多收買佬。但你去問行內人，最近已經少咗好多嘢可以收，因為少咗好多人移民。
我個人意見：如同教授之前討論亨廷頓《文明的衝突》所言，我相信香港長遠始終會成為東西陣營的緩衝區，獨立就唔使講，但依然會有（中共眼中的，尤其是經濟上的）獨立地位。至於我哋呢啲香港人重移唔移民好？我認為長遠都要嘅，不過要有彈性，隨時彈出彈入，進可攻，退可守（你懂的）。
▶️ 馮智政：留下來的人，被掏空靈魂，下一步怎辦？（下）
https://www.youtube.com/watch?v=ojlhK1WzzvE
