【Podcast：國際運動場 🏴⚽️】 英倫搜查官Calvin：曼聯迎接新班主，可以真正「由亂入治、由治及興」嗎？
Added 2024-03-23 04:31:00 +0000 UTC究竟曼聯和香港哪個可以更早走過「大黑暗時期」，一直是廣大網民的討論焦點。而對曼聯球迷而言，英國富豪榜排行第二位的億萬富豪 Sir Jim Ratcliffe 宣佈入股曼聯，彷彿終於看到「由治入興」的一絲曙光。然而這個蜜月期可以有多長久？作為全球化重要產業鍊，曼聯的戰績，對整個曼徹斯特地區、還有英國經濟，又會有何影響？香港曼聯官方球迷會幹事、「英倫搜查官」Calvin 會和我們詳細解釋曼聯球迷為何看見新班主帶來的好處，似乎看不到的人，只是因為他們太悲觀。
▶️ YouTube: https://www.youtube.com/watch?v=ZVJe27ObmEg
▶️ 香港曼聯官方球迷會幹事「英倫搜查官」Calvin：美國班主格拉沙家族帶來的「曼聯大黑暗時代」，有終結的一天嗎？
https://www.youtube.com/watch?v=tz1rTyeFm3g
⏺ 童話結局：C朗拿度效力沙特5年，夠唔夠錢買曼聯？
https://www.patreon.com/posts/76868156
Comments
Pierre 兄 多謝鴻文補充, & NHL都有 farm team
Darth Z
2024-05-02 17:32:29 +0000 UTC已覆PM🙏
Pierre
2024-03-28 16:23:19 +0000 UTCPM 大家 🙏
堅離地書院 College
2024-03-27 08:26:08 +0000 UTC小弟才疏學淺恐令沈教授敗興而歸 還有不知沈教授想向那個方向討論（如小弟有所涉足該討論方向,或可略盡綿力） 想用運動反映不同國家對其取態？即係類似不同國家對運動嘅「利用」（舉國體制）？還是國民由下而上「對運動的喜愛」使從政者重視（某強國金元足球時期,有大量巴西球員效力其聯,連時任總統盧拉都說過有觀看該強國聯賽,在盧拉角度出發,何謂一石多鳥）或是從經濟角度去睇體育活動嘅方向？（有一本書介紹,不過唔係太記得名,類似英格蘭總是贏不到世界盃）呢本書用不同國家經濟總量去分析那些國家「具備」贏世界盃條件,該作者睇好美國及日本 不過反而想向沈教授討教 喺科技發展急促下,AI甚至機械人會否取代人類去做運動（娛樂） 我並不是指人類放棄做運動, 我意思指科技下,人類會否失去觀賞價值嘅職業運動 我自己都無一個定案
Pierre
2024-03-26 11:02:54 +0000 UTC聲音對談一次？🤔
堅離地書院 College
2024-03-26 10:25:17 +0000 UTC對香港人來說「專業」就好似有一種光環,不過只專一科又有點可惜,我成長嗰一代香港人比較「雜」,會對不同事物有不同面向,涉獵到其他項目.就似沈兄同蕭生對話中,有講過現代人仲有冇renaissance man,沈兄比較樂觀,覺得科技先進下反而提供大量資訊,欠在接受者能否自行消化理解然後有所輸出（呢度扯遠咗） 講返今次topic有關曼聯對談中,有一點好認同嘉賓所講,就係球員探訪活動,喺現今商業計算下,都只係流於表面,為做而做.以前球員（足球）真係有不少關心社會議題.例如Liverpool前鋒Fowler曾經喺入球後,露出支持碼頭工人的底衫,亦有法國98奪冠右後衛杜林喺球員時代已經透露從政意願,不怕表達立場,還有一位前曼聯球員Zaha從不喺英超開場前單膝跪,佢覺得呢種係形式大於真心（相反Kane喺卡塔爾世界盃關於彩虹隊長章一事,就顯得笑話） 還有科技及大數據下,運動更加進步,單單NBA喺數據下,已經令3分球命中率提升及射程範圍更廣,以前牙擦蘇米拿嗰一代32%左右3分命中率已經高,但去到Curry呢一代就達到37,38%,甚至有球員一個月賽事之內可以維持4成.不止命中率,連場均3分入球都大幅上升.所以科技只會令表現提升（諗起Nvidia黃仁勲所講的說話）
Pierre
2024-03-25 10:00:04 +0000 UTC初初以為 Pierre 不熟北美體系 驚佢等得耐 呢期又時間多得很 於是依畫葫蘆下 好在有帶頭盔 😅 覺得香港人其中一個身分認同就係專業 為免影響節目質素都係另請高明 雖然做訪問係講笑 但真係過獎了 😅
Darth Z
2024-03-25 09:05:19 +0000 UTC說起入札制令我想起平成怪物松坂大輔 …到現在二刀流平均年薪七千萬天價合約既大谷翔平再到入札制前隻身赴美既野筬英雄 再想起80年代尾九十年代頭(諗諗下去到國際關係？)俄羅斯冰球員要到北美冰聯搵食都是靠國家隊參與國際友誼賽時和有選手權(通常都係late round draft picks, 因為怕來不到北美) 既球隊在酒店𥚃應外合避過”蘇聯”耳目先嚟到 而當年古巴選手想加入mlb 亦都用類似方法 呢part 幾有趣, 當年既國際關係真要請教Simon 剛移民前日日踢足球 來到加拿大後個個打籃球 我既年代係MJ 細我十年既係Kobe Bryant 再細啲係LBJ 不過佢已經係老將 近年少看NBA 個人問題臨尾兩分鐘狂吹暫停好難捱 現在打法和我當年睇既有很大分別 人老了 加拿大國技係冰球 好難唔涉獵 但我既愛隊係 Detroit Red wings 最喜愛係 Steve Yzerman 剛移民時加拿大隊 Blue Jays 成績最好 可能細個睇太多日本漫畫 雖然看漫画時唔識賽例 btw 最後(上杉達也帶淺倉南, 明就明)我帶太太去甲子園睇日職 場會館內咖哩飯同燒雞皮都幾好味 近年迷上北美最受歡迎既美式足球 美式足球熱烈既程度去到college football 都很受注目 去到夾埋程度 基本上 college 主要在星期六 NFL主要在星期日 電視轉播不會相撞 個人感受美式足球刺激很多 因常規賽只得17場為爭入季後賽可謂場場到肉 寸土必爭不像其他聯賽80+ (nba/nhl)至 mlb 162 場 般輸一兩場無關痛癢 , 至於入到季後賽都係一埸定勝負晉級 引人入勝之處很多 在此省略 總言而之 既燒腦(如很多不同既排陣..etc)又好physical 既體育運動 最後抒發下北美聯盟球員有工會,會罷工 歐洲足球好似從未聽過 多謝Pierre 長文分享 很高興大家交流下 原來你係利 有趣 其實 sports rivalry 係幾正既嘢 球迷之福 Celtics/ Lakers Yankees/ Red Sox cowboys/49ers 新仇舊恨 份外上電 不過個人認爲 都係想睇場好波 唔明白為乜hate 對家 所謂各為其主 我自己就好鐘意 Beardsley 同 Torres
Darth Z
2024-03-25 07:39:44 +0000 UTC期待，因為好多曼迷都想知除咗見咗光嘅訪問同人事變動，究竟Sir Jim係咪一個信得過嘅人嘛
Edward Wong
2024-03-25 06:14:07 +0000 UTC謝謝分享，不如就訪問兩位？😅
堅離地書院 College
2024-03-25 06:13:15 +0000 UTC睇睇Calvin 有無研究 😅
堅離地書院 College
2024-03-25 06:11:10 +0000 UTCBonjour Darth Z Merci pour votre explication 美帝嘅NBA,冰曲,美式足球,MLB都有一個好特別嘅賽制,就係分regular n playoff.唔好睇小呢個安排,就係呢個安排會出到下剋上嘅show(用呢個字係想顯示美帝明白商業運作模式) 還有NBA係無和局,同美國人喜愛決一勝負有關（美職在90年代初初都係用類似12碼分勝負） 選秀呢個制度係好一個特別存在,用一相對公平嘅訓練環境（因為美帝要求體育選手有一定教育程度,咁係咪有真正學養就係另話）但NBA & MLB近年新人都接納更多外國選手,例如Dallas的Luke Donici, Spurs班馬,OKC的SGA,MLB就有更多日本職棒入札.美帝職業運動構想係不會過度保護自家人,可能美國立國本身就係大溶爐,明白人才就係要培養加吸納,先會令整個環境成長強大,簡單一句就有能者居之. 美國運動產業,係細緻到場館、周邊產品都可以成為吸金器.例如球衣印上球員名字及一季多個款式推出就已經令相關球迷大破慳囊,歐洲足球在90年代球衣還是只有號碼,但「參考」美帝嗰邊就效法,不過不是所有環節都能夠搬字過紙.例如英超初創時有半場表演但過一排就自己收皮.但日本人又可以變化及更出色,日職足球就經營為一個嘉年華,開場前有小攤位,可以同球隊互動,拍照、玩遊戲、甚至所在地球隊周邊產品推廣,呢點就係日職之父所講「地域化」（英國人喜歡睇波前到pub飯幾杯前,所以有啲模式不能照copy） PS:自身喜愛打籃球及睇足球（猁）
Pierre
2024-03-25 02:42:27 +0000 UTC教授會唔會之後有一集講Sir Jim Ratcliffe 佢喺北海油田嘅參與，佢喺蒙地卡羅住比報紙持續攻擊，但傾奧脫福附近發展又好似輕輕鬆鬆，通行無阻咁嘅事？尤其北海油田喺國際關係都係一個唔細嘅topic，感謝🙏🏻
Edward Wong
2024-03-25 01:06:25 +0000 UTCHi Pierre, 小弟四個聯賽都睇過下, 一路聽著節目一路覺得英超和北美球團運作好唔同, 感受很深, 在此以球迷角度籠統介紹下, 專業的還是等沈博 首唔先 四大聯盟所有球隊班費均有人工上限, 不過有軟(超過交豪華稅給聯盟)/ 有硬(1蚊都唔過得) 新秀都係論成績優劣輪流在大學/ 次一級個別獨立聯盟靑年隊或大學(冰球) 選人 無轉會現金買人 只有人換人或加未來新秀選拔權 球隊有General Maneger 同 Coach GM主 組球隊 Trade球員/傾合約 選秀 請/炒 Coach...etc Coach 主 球隊戰術/訓練...etc 各聯盟都有唔同計法將收益(包括電視轉播權, 商品銷售, 部份門票銷售,贊助和許可協議等)不同份額或平均分配給小城市細市場球隊 同北美比較/成日覺得歐州足球來來去去大財力個幾隊,小市場球會只充當陪跑, (要冠軍當然並非不可能, 但機率不高)(李城贏英超開心, 利申: 曼) 相對下, 四大聯盟對各球會營運條件較平等(尤以美式足球更甚), 隊隊都有機會出頭. 歐洲球會諸多賽事, 又多國際賽 四大聯盟其本上無國際賽 (有, 都係四年一次) & 無升降班 傳統上四大聯盟不著重常規賽, 輪成敗只係季後賽既冠軍戒指 ps Netiflix 套"The Last Dance" 幾好睇, 見證到芝加哥公牛隊由零到組成皇朝後既最後一頁
Darth Z
2024-03-24 20:19:21 +0000 UTC難得有朋友有興趣 🙏
堅離地書院 College
2024-03-24 09:09:50 +0000 UTC今次個topic幾special 可以接觸多啲球會內的運作及角力 希望之後會講下北美四大聯賽點運作及同歐陸體育架構 從中了解運動同世界嘅關聯 美帝嘅強大同佢哋熱衷運動有好大關係
Pierre
2024-03-24 06:32:30 +0000 UTC多謝制作 曼迷
Darth Z
2024-03-24 04:01:46 +0000 UTC
