【讀者分享🇵🇱🇵🇸】 親歷比利時聲援巴勒斯坦示威的照片
Added 2024-06-25 08:01:01 +0000 UTCHello 教授，多謝你嘅介紹，我已經成功聯絡到波蘭支援NGO嘅朋友，已經定咗下個禮拜會去當地幫手。
今次搵你主要係想同你分享吓係經過法國同比利時時，所目睹民眾對於巴斯坦嘅聲援行動，以及想了解吓教授對於現時以下戰爭對於歐洲政治局勢走向、甚至意識形態嘅影響的分析。
巴黎和阿姆斯特丹有零星的塗鴉或聲援文宣，而對於巴勒斯坦聲援最強烈的地方是比利時首都布魯塞爾，每隔一兩條街度，總會有民居掛上巴勒斯坦國旗。
喺度期間，都遇上咗聲援巴勒斯坦的遊行，估計最多嘅時候大概一千人，主要係年輕人。但除咗本身係巴勒斯坦人之外，都有唔少當地人聲援，當中不乏一啲年長嘅義工。
我都其中同一個人傾咗吓偈，佢係一個由瑞士移民去比利時十幾年嘅中年人，佢同我分享番其實呢場遊行，係由一個當地大學組織發起。佢哋除咗聲援巴勒斯坦之外，之前都有做過其他反法西斯嘅聲援行動，遊行當中都有唔少嘅反法西斯嘅標語。
附件有當時一啲嘅相片同埋短片。
另外，今日喺阿姆斯特丹都見到喺市中心有聲援集會，但今次就冇乜機會同到當地人傾偈。 啱啱見教授都有出歐洲選舉嘅分析文章，想睇吓教授會唔會喺以巴對於民眾影響方面，會唔會都有啲分析同埋分享。
謝謝。
（照片來源：讀者提供）
▶️ 美軍反以色列自焚事件，與美國民主黨分裂的可能
https://www.youtube.com/watch?v=sUwROqp44ps
Comments
我個邊唔使呀 直接打爛玻璃衝入我做野橦building 🤡
Kirishima
2024-06-25 19:51:13 +0000 UTC
