【會員投票】 台灣立法院三讀通過擴權法案
Added 2024-05-30 17:01:01 +0000 UTC
分別和《秋海棠民國史地》傅立言、和台灣九月茶餐廳的Andy討論過這議題，不知道大家怎樣看？
Comments
法案本身內容屬專業領域，就靜待大法的釋憲結果 呢到講手法，在法案要二讀通過的朝早，條文都仲可以講係最高機密，審法案唔係睇完就算，俾人睇左就叫完，係真係要咬文嚼字，睇返個應用情境，合唔合適。我當個立委有一日時間睇，都肯定唔夠啦。仲要唔係個個立委都法律專業喎。要揾人幫手睇。立法係要議決，睇唔明點議？議唔到點決？ 當然可以講無違反議事規則，但合法不代表合理。
carl mak
2024-05-31 04:56:12 +0000 UTC揀咗「其他」 藍白vs綠之間嘅問題同矛盾都係源自於兩個陣營之間積累多年嘅恩怨，本來就大家都冇尊重少數嘅習慣，雙方都係得到either立法or行政嘅優勢就會諗各種方法去限制對家擴張自己嘅權力，只不過係而家執政/在野嘅立場調轉咗，贊成/反對亦相應易幟（好難想像「在野民進黨」會反對國會聽證，只不過佢哋而家係「執政民進黨」） 某程度上係民進黨要接受入得國會嘅藍白立委背後都係有幾百萬選民支持（台灣係有真普選，就當中共威迫利誘咁灌票灌咗一半，減一半個數目依然係好多），而佢哋係需要尊重藍白都係民意代表呢個事實、諗辦法同藍白合作去推動台灣繼續前進，而唔係郁啲就話中共乜乜乜 將一切都睇成係中共嘅陰謀係過於簡化兩大陣營之爭同本來存在喺社會之中嘅矛盾，就算中共真係有份推波助瀾，最多只係加劇本身已經存在嘅撕裂，而唔係憑空製造出一個議題出來操控晒藍綠白三方 少數派政府一向難做，但搞得掂跨黨派合作/協商/折衷呢個課題，而唔係下下都玩「你贊成，我反對」、「點票，夠數，通過」呢個舉手遊戲，台灣先至可以再繼續向前行
Utsuri
2024-05-31 03:33:59 +0000 UTC
