【讀者分享 🇬🇧】 英國兒童襲擊案、騷亂、與法拉奇訪港的聯想
Added 2024-08-09 11:01:02 +0000 UTC教授你好，本來英國有人趁住有小朋友俾人殺害而示威我覺得冇乜特別。因為趁火打劫嘅嘢，世界各國地方都會發生，當然我個人覺得除咗香港之外，不過呢個唔係重點。
然後因着呢啲咁樣嘅事情，大外宣大內宣當然會急速宣傳，無論係暴亂令到情況混亂，或者警察制止暴亂而鎮壓示威者，大外宣或大內宣都有得講。所以都預咗係會俾人講㗎啦。呢樣都唔係重點。
重點係當我見到 「舞蹈班襲擊案｜英國改革黨黨魁法拉奇秘密訪港 發言人回應屬家庭訪問」 呢則新聞嘅時候，就令到我想起所謂同氣連枝啦（我都唔識圍棋，只係睇好耐以前嘅無綫電視劇聽過呢個術語，好似話一粒黑/白子擺咗落去個棋盤後，將所有嘢連埋一齊咁樣） 。
我最擔心或者係可疑嘅，其實呢啲都係強國嘅背後部署造成的。試想想，一個政黨領袖（法拉奇）離開咗英國，本來一啲新聞都冇，只係有路人影到喺酒店食嘢，最後爆出原來，佢嘅孩子係著名會計師樓嘅董事。
第一個奇怪係，大家都知道董事係冇乜嘢做，亦都可以唔使日日返公司，有乜嘢家庭聚會係調返轉頭，要個老竇由英國飛去香港呢？
就算呢樣講得通，第二個疑點，大家都知道有乜嘢收黑錢嘅方法，係好得過經自己孩子呢？仲要係而家強國冇得審查嘅會計師樓嘅董事，真係大條道理俾錢去洗。
第三個疑點，新香港公務員寧左都唔夠左嘅情況，會俾一個英個政黨主席咁樣大搖大擺入香港？我只能信係有人放佢入去。
呢個係其中一個枝節。
另一樣枝節相信教授你都知，有傳聞話今晚八點在英國會有30幾個地區會有示威活動。小弟能力有限，大數據不足，唔敢一概而論。不過我第一次收到嗰30幾個地區嘅示威訊息，其實早在三日前，已經收到香港朋友從其他香港人群組發過來。我自己當時從其他香港人群組都冇見過，英文報紙都未見。其他外國人朋友/群組都未聽見 。事隔一天，開始見其他香港人群組有提及 。到昨日，英文報紙同社交媒體開始出現長輩圖。今日再睇新聞，報紙話呢個訊息係由俄羅斯嗰邊嘅假新聞渠道出現。
以上小小嘅種種，連埋一齊，就算我幾唔鍾意陰謀論都好，都好難避免我唔去諗，其實背地裏係唔係強國滲透咗一啲搖擺不定嘅政黨，嚟搞亂其他國家？
今天聽到英國政府話嗰30幾個示威地點都係假新聞，就睇吓今晚會有乜嘢事情發生吧。游兵散勇的話係一件事，有組織地進退嘅話係另一件事。我覺得就算最尾冇事發生都可能代表一啲事情 。最希望最後真係冇事發生，平平安安。
少少後記：
昨晚的預訂示威，想不到是反極右的一群成了大多數，再一次見識到和理非及真正的保家衛國 (因很多區內的都是支持正常的經濟及居民流動，相反極右的很多都是從外面入嚟) 佔了大多數 。
感恩在這裡還見到人性善良及互相尊重的一面 。有網民概括了昨晚的集會結果，起碼在他的經驗，見到兩班人完了之後去附近的酒吧飲酒，都尊重店主，沒有帶標語入去，及兩班人和平共處。
暫時結論：希望就算有外國勢力，也不能得逞吧 。
▶️ 英國處理非法入境庇護申請者的「盧旺達方案」：為甚麼盧旺達是英聯邦國家？https://www.youtube.com/watch?v=4MJs4c7K_oM
Comments
一係 AI 完全取代基層勞動力，一係結構性搵某一種人解決（例如英國脫歐前的大量東歐人）
堅離地書院 College
2024-08-15 07:47:54 +0000 UTC謝謝認同分享不同觀點，始終這才是舊香港的特色。
堅離地書院 College
2024-08-14 15:29:38 +0000 UTC呢篇文章刊登出嚟，造成嘅迴響不少，有討論係一件好事，brainstorm係沈教授想要嘅結果 每個人係會有各自立場，睇事物係會有一個agenda，set咗前設然後尋找自己想要嘅「結論」係人之常情。但事實上喺資訊泛濫世代，有太多「原材料」可佐證自己嘅『結論』，甚至「製造」想要嘅「證據」。搶先評論（表態）事件，爭取話語權然後達到一個同溫層，最後成為意見領袖（KOL），古今中外係常態。甚至每隔一段日子就有「一啲事件翻案」。所以有句老說話「歷史係受人妝扮嘅女孩」，好聽就係有不同解讀，唔好聽就係你有你講形成迴聲谷。 例子好似某金牌女劍手，當日拎牌全世界（起碼大部分人）都用自己立場去解讀她的「感言」，但一fact check過去她的歷史（往績），就得啖笑。不過起碼大部分真香港人都「自我檢討」，然後橫眉冷待呢位識走位嘅劍手。喺仲有有限嘅新聞自由嘅深圳河以南地區，大家都可以有啲知情權，有得自我思考撐唔撐佢，修正自我。 另一個例子（翻案），就係汪精衛嘅歷史地位，呢兩三年喺汪其後人「努力」下，用後結構主義嘅角度，重新「演繹」汪精衛日據時代嘅所作所為，自由嘅社會當然容許有不同角度詮釋人或事，重點係大眾能否有獨立思考及有水準嘅回應，呢個先係問題所在。所以所謂乜乜後結構主義、物物左膠（大愛包容作幌子）角度，呢啲先係大家將來要面對嘅問題，提升學養及獨立思考永遠都做人嘅追求目標。 正如呢位作者從現有資料推考下，得出自己結論係無問題，反而重點係大家都有自己思路去支持或反對其立論，呢點就係愈辯愈明嘅方向。政客（棍）任何時候都係買多邊，方便自己走位，此時拉一派，彼時打一派都係常態，好似馬克龍策略上「拉」梅朗雄（左翼）去克制勒龐（右），我哋要理解嘅係馬克龍值得去做？有冇違背身為中間派嘅馬克龍立場？後果又是否能夠承擔及之後嘅後續操作係點？呢啲先係我哋要去問及做嘅事情。並唔係質疑某一點（只見樹木不見林）。就好似文章作者其推斷法拉奇有同「外國勢力」聯繫，背後有一定動機，呢點係無錯的，不過我哋唔需要太快下定論，要睇聯繫後有乜動作及產生嘅影響。想當年張伯倫揸住張廢紙，嗰陣時嘅人都為其歡呼。又好似越王勾踐臥薪嘗膽咁耐，未到最後成功復仇，大家都只會喺其成功前笑X佢。唔俾法拉其係深入敵陣取其信任，最後一舉乜乜咩。 PS:現今某市嘅水準真係好渣，一個咁好「模板」都可以玩爛，愈為其護航只會愈反感，又咁快安插職位，更加招人話柄。真係認驗一架車喺啲猩猩手上只有破壞嘅下場。
Pierre
2024-08-13 08:55:37 +0000 UTC大家可以對比這位會員的分享，和早前另一位 ReformUK 支持者會員的分享，可以得到兩種不同觀點的 perspectives 🙏
堅離地書院 College
2024-08-11 08:19:07 +0000 UTCAcross Europe, the rise of far-right parties is because they approach the problems people feel, like concerns over immigration and lost of European values. As countries struggle with migrant and refugee challenges, these parties are approaching public fears with nationalist and anti-immigration rhetoric. I live in portugal and I can feel that Chega (far right party) is widespreading in an sustained way, reflecting ongoing debates about national identity, economic impact, and security.
Iris Ferreira
2024-08-10 13:28:44 +0000 UTCthank you for the useful info. 題名話，移民唔願意融入係大問題，需要諗點樣去解決。不過連帶另一個問題就係移民勞動力同經濟掛勾。如果要維持現時經濟模式和得出相應的成果，低技術和學歷的勞動空缺怎樣填補都係一個問題。如果填補不了，可能要改埋個經濟模式先得
cas idit
2024-08-10 08:44:24 +0000 UTC三份都係保守右翼刊物，中間偏右主流
悉尼 袋鼠
2024-08-10 06:58:41 +0000 UTCSam Farage 打工仔而已，EY 嘅director 即係連支票都冇得簽，開下 seminar 寫下 newsletter 投下 journal 嘅閒人都叫 director。 碧科 equity partner 至係腦細，management committee 至係 board ，一般 partner 仔祗係 authorized signature 唔係一般定義有份額嘅合伙人，director 就連簽公司名落信紙都冇資格，衰過 iBank 嘅 VP。 筆者想多鳥
DP
2024-08-10 03:46:07 +0000 UTC/支持或者投Reform 唔等於支持極右或者打砸搶燒/ 當然啦 但mass media 當佢哋同一班人呢
KK
2024-08-09 20:12:50 +0000 UTC係喎，有議員證據確鑿收中共統戰錢添，仲有嗰位李貞駒同議員勾結，咁又唔見作者出黎聯繫到嗰啲工黨議員收中共錢做嘢？ 話 Nigel Farage 收中共錢就更加牽強，影到都只係同阿仔食飯，咁就話收中共錢？有無搞錯？ 唔該批鬥咗成個敗登家族先。 話中共同俄羅斯有滲透英國政壇，呢樣就百份百啱，中俄係咪乘機放假新聞搞亂個場同極右份子自己吹大件事係可以同時存在，至於係咪成件事由中共策劃就未免太睇得起佢地亦太多巧合，有無三兩個可能係中俄俾錢混入去示威人群搞事我信有，咁鬼叫你地啲左膠支持非法移民咁大愛咩？中俄咪就係用返你個制度既漏洞黎攻擊西方國家自己。 至於有邊個政客收咗中俄錢，就唔該有證據先好講，唔好一邊鬧右派製造陰謀論一邊自己作陰謀論出黎。而已經有證據收過中共錢既議員同政黨，唔該作者用同等力度時間心機去摧毀佢地既政治生涯。 文章個風格實在太文匯大公了。
KTH
2024-08-09 19:29:27 +0000 UTC如果睇下英國報紙The Telegraph, The Times 同 雜誌 Spectator 的讀者留言，都睇得到本地人99% 都不滿移民太多，尤其係唔歡迎唔願意融入英國文化、憎恨西方同歧視女性的部份穆斯林人。Google下 “grooming gangs”，就明白點解咁多working class 白人唔歡迎難民、穆斯林人。呢啲問題係以往政黨（Tony Blair開始）對低技術、低學歷的移民門戶大開造成的問題，唔好吓吓賴外國勢力。有關的詳細研究，建議大家睇下英國作家Douglas Murray作品/訪問
Jojo
2024-08-09 17:40:46 +0000 UTC支持或者投Reform 唔等於支持極右或者打砸搶燒。
Jackychc
2024-08-09 17:18:30 +0000 UTCI agree. His LinkedIn profile says he is a director in the wealth consulting practice. He is not on the board of directors. He is not a 董事
J K
2024-08-09 15:01:41 +0000 UTCThe proposition is flawed at best. UKIP got similar vote count back in 2015. Far-right leaning voters at around 1/8 have been there. The only difference in each election is whether they vote for their own representative, or tactically vote the Tories
simonishandsome
2024-08-09 14:20:57 +0000 UTCNIgel Farage係Pro-Russia，响香港可以相對安全地去接觸俄羅斯人員，亦都係一個可能。
悉尼 袋鼠
2024-08-09 13:54:56 +0000 UTC極右越黎越多支持者，可以係格硬將中間傾右嘅人計入去，亦可能只係回聲墻
悉尼 袋鼠
2024-08-09 13:35:14 +0000 UTC我唔明白嘅係, 班政客個個都同極右割度，點解冇個人解釋下點解極右越黎越多支持者，反極右嘅同時有冇諗下問題出左係邊
Iris Ferreira
2024-08-09 13:12:58 +0000 UTC今日睇到張相，係一班反極右圍住 4 個極右，要由一班警察保護果四個極右。 作為新移民，發生緊嘅社會事件其實係我呢 d 井底之蛙要見識同學習嘅事。
Gary Lee
2024-08-09 12:14:21 +0000 UTCCorrect me if i'm wrong. 簡單一句 就係呢位讀者懷疑 所謂嘅 "極右"組織 收中國錢 配合埋俄羅斯放假新聞 搞亂英國。 其實你有無同啲"極右"示威者傾過計? 有無諗過點解有400萬人投reform? 我唔係幫佢哋，只係我覺得咁樣去frame 個問題 做外國勢力 有啲唔公道。畢竟收中國錢 個個政黨都有。Fake news 都唔係今時今日嘅事。
KK
2024-08-09 11:53:46 +0000 UTC如果董事係指Director，四大會計師樓嘅Director 同一般公司嘅Director 完全係兩碼子事。 一般公司嘅董事算係管理層，會坐喺 Borad of Director，指點公司重大決策。四大嘅Director 只係一個title 去大啲客，公司決策冇佢份，就算再上去嘅partner 位，都有分level，唔一定有話事權。所以四大嘅Director 頂到盡只係一般公司嘅 Department Head (甚至只係Senior Manger)，打工仔一個，冇你講得咗巴閉。
Chapman Yeung
2024-08-09 11:27:07 +0000 UTC
