【讀者分享 🇹🇼🎬】 《從今以後》台灣首映後感
Added 2024-10-27 02:01:00 +0000 UTC今晚在高雄電影節睇咗 《從今以後》的台灣首映，金馬女主角區嘉雯亦親自來台參加映後座談。
主持人處理得非常粗糙，帶不起現場任何有意義的討論。其中一個頗為怪異的安排，導演本來開始用廣東話講嘢，主持人阻止並要求導演用英文講，然後旁邊坐了一位英文翻譯國語的翻譯人員。
我完全不能理解。
如果此為一個國際電影節，要有英文傳譯尚且說得過去；但作為一部港產廣東話電影的影後座談會，所有現場觀眾都剛剛睇完一部廣東話嘅戲，點解個即時傳譯唔係廣東話去國語呢？！
當我發言時，我先用廣東話跟導演和演員打招呼，主持人也大為緊張馬上阻止，我也立即轉回廣東話，但我對此安排仍然覺得難以理解。
我問區嘉雯，《從今以後》 同 《劍雪浮生》 在角色的情感流佈上可有共通處？兩部可以說是不同年代的女女題材作品。當然，《劍雪》來得沒那麼赤裸，但任白二人的打情罵俏、細水長流，仍然是有深刻記載的。
《劍雪》的時代背景是1950-1980年代，《從今》的時代背景就係1980-2023年，我認為是有一脈相承之處。1950年代，倆人的感情當然用最subtle的方式表達，硬要說她們是「金蘭姊妹」，未免有點自欺欺人。
結果區嘉雯話《劍雪》只寫二人是「金蘭姊妹」，我覺得非常諷刺；which佢認為《從今》入面，區嘉雯的角色Angie做的一切，都係爲了證明二人並非「老朋友/金蘭姊妹」而已。我就感覺到任白二人，在區嘉雯這一輩70歲以上的人的心目中，都是神檯級的地位，斷不能冒犯，也是萬不可捅破的那層「絳紗」。
除了打情罵俏、細水長流，《劍雪》 中描寫白雪仙對任劍輝生活上的照顧、還有佢對藝術細節的堅持，也是二人藝術成就的基石。 《從今》 都有拍呢種細節，二人在生活上合拍，一個裝茶葉進茶壺，另一個就沖滾水入茶壺🫖。呢種仔細度好好睇。
見你今日咁啱有提起任白，所以想跟你分享。
▶️ 台灣犯罪電影《罪後真相》導讀：兇案女生慘死背後的《天龍八部》
https://www.youtube.com/watch?v=aoSMsHBs2-k
Comments
如果喺香港睇一部法國電影，大會應該係會安排法語對廣東話的翻譯吧？在香港唔識英文的法國人大有人在。 如果你話係資源問題就難講了。 可能呢個就係是否「國際」城市的差別。
Ann
2024-10-27 23:24:34 +0000 UTC轉述另一位朋友的分享： // 其實唔難明白，香港人唔好覺得自己好特別，個電影節以至個國家，官方語言就係國語台語，其他所有語言都係外語，大會一律只提供英文翻譯俾台灣觀眾，而大會亦確保所有參與外國電影人，都可以用英語溝通。簡言之，大會就係冇準備粵語國語翻譯，原因？可能係冇錢，亦可能係一視同仁，事實上佢哋知道香港人可以講英文。同一情況，如果放一部法國電影，有居台法國觀眾嚟睇，映後談如果用法文問，個主持都會緊張（佢係緊張台灣觀眾聽唔明，自己又冇法文翻譯提供俾台灣觀眾，個電影節主要係服務台灣人啊），都會要求可否用英文問英文答，而正常情況，海外法國人就算唔識當地語言，都會識講英文啦。//
堅離地書院 College
2024-10-27 06:35:31 +0000 UTC我向依邊睇破地獄，佢哋都有Q&A，我自己就無低因為已經太夜，但有朋友就留低咗，根據我朋友講導演同女主角係用廣東話回答，跟住就有英文翻譯，好可惜我朋友話講英文翻譯廢到不之所謂。我好奇香港政府仲向播映前仲向大螢幕到宣傳香港係國際城市，嗰到d人講多種語言。再聽我朋友嘅體驗，我真係忍唔住笑左出嚟(一個國際城市只吸引大陸人同第三世界國家嘅人嚟發展。
Vikki Wong
2024-10-27 03:50:03 +0000 UTC有趣 投訴不合理之餘 可以寫長啲對部戲觀感及 映會Q&A
Ping Chen
2024-10-27 03:33:25 +0000 UTC有興趣想知道點解大會有呢種安排！？ 有什麼觸動到有此舉動（要用英文傳譯） 台灣對同性戀抱開放態度已久， 應對此話題不抱任何顧忌。 如果單純為廣東話令在場人士不諳內容， 而為何要用英語交流， 反之如果其他人用英文發問， 又會否出現問題呢？ PS:筆者對主持人的態度是否為緊張，我反而覺得不是重點，因為緊張可能對主持分享會的緊張，或者主觀認為。
Pierre
2024-10-27 02:30:18 +0000 UTC
