【Podcast】 堅離地傾X方舟雜誌｜YouTube 公海區 x Patreon 會員區新節目安排：「十大矛盾」點樣兼顧？
Added 2024-11-24 04:30:01 +0000 UTC《方舟雜誌》本期探討了從隨意分享到沉重壓力的YouTube製作歷程。原本只是輕鬆分享觀點的頻道，卻因觀看數、收益壓力和內容擴展逐漸演變成繁重的職業化操作。主持人反思YouTube的本質應是一個純粹的分享平台，而非沉重的商業模式。同時，節目也提出未來將進行調整，專注於知識創造，增強會員區的獨特價值，以及探索更多跨領域的合作形式，以兼顧初心與現實挑戰。
Comments
三位一直以來辛苦啦，我在YouTube睇你們的片時都會記得like,希望可以略盡綿力（希望你們唔使每次都為like和收視苦惱呻到樹葉落）。三位拍的片內不一樣的思考角度和知識對大眾是很寶貴的，風格有正經有詼諧，讓我每天也學習到很多。希望三位和堅離地團隊各同事可以work life balance, 生活平安順利健康！
Funny Lau
2024-11-30 08:36:44 +0000 UTC謝謝你 🙏
堅離地書院 College
2024-11-26 01:15:25 +0000 UTC有沒有介紹？
堅離地書院 College
2024-11-26 01:15:17 +0000 UTC星期六去窩窩第一次見到Jacky本人真係好開心，當時飲到有D醉未嚟得切講但我係好感激各位主持。 呢個頻道的影片我幾乎全部都有睇，我好認同節目要創造知識的方向，因為呢個頻道所分享的資訊都成為了我的知識同工具，最啟發我的就係之前談教育講充權的影片，令我知道一直係我腦海裏綁手綁腳的無力感就係來自教育，令到我知道人生可以有另一種方式去過， 另外我要多謝Calvin，我好鍾意睇兩位的笑談中國經濟節目，令原本我覺得唔想面對的中國話題變得好笑，唔再覺得恐怖，又多多一樣主宰人生的技能。 希望頻道愈來愈好，永遠支持。
calvin10
2024-11-25 07:31:54 +0000 UTC除美國外 其實例如法國有很多YouTube 學者channels 都有討論國際關係 不妨試試合作
Cloclo
2024-11-25 05:59:03 +0000 UTC補充多一點，喺大家好糾結嘅互聯網「同溫層」問題上面，唔太理解係咪同溫層定義嘅問題。例如畢菲特幾十年嘅已故投資老拍檔芒格，你可能以為佢嘅投資想法同畢菲特完全唔同，喺投資上作為一個另類聲音/意見。其實畢菲特想法同芒格係almost identical，身邊嘅人話佢係畢菲特嘅alter ego，只不過兩個人嘅risk appetite 有啲唔同，專長有啲唔同，但係思考理念極度一致，都係價值投資理念，they can finish each other’s sentences ，喺呢個層面上見唔到有「同溫層」問題影響投資判斷。配偶都係另外一個重要嘅Echo Chamber，互相影響，所以擇偶非常重要。如果定義為一個高教育水平，有獨立思考，追求知識，多元，有國際視野等等嘅群體作為「同溫層」，echo係避免唔到，仲要係echo啲乜，你點知道你echo嘅嘢係啱等等。面對一個訊息遠遠多於知識嘅後真相年代，樣樣嘢都要自己去判斷，絕大部份嘅人都負擔唔起咁高嘅成本。人大部份時間都係自動波(唔mindful)，shortcut 係需要嘅，不斷犯錯、求證、修正，適應環境。人腦唔係設計嚟追求真相，越嚟越多人懂得點樣去exploit呢啲盲點。另一方面要承認同接受人嘅局限，先至解決到問題。
lyk
2024-11-25 03:36:24 +0000 UTC謝謝你 🙏
堅離地書院 College
2024-11-25 01:36:35 +0000 UTCCrossover 是一個未來的方向（其實也是一直的方向）🙏
堅離地書院 College
2024-11-25 01:36:26 +0000 UTC謝謝支持和體諒 🙏
堅離地書院 College
2024-11-25 01:35:21 +0000 UTC無論任何方式及微調，支持你哋繼續做好深度內容及知識傳播
Elaine Wong
2024-11-24 22:27:15 +0000 UTC以下幾點：（1) 其實互聯網最主要係競爭，唔係太需要分「傳統經濟」與否。供應端越嚟越多人做YouTuber，市場分薄咗。需求端Netflix話最大競爭係睡眠，眼球availability有限，相信呢個係每個YouTuber市場份額下降嘅推動力。(2) 唔太清楚所指嘅「同溫層」定義有幾窄，生存最主要係適應環境嘅能力。(3) 唔要咁複雜，就要tolerate 80/20。Elon Musk 喺Twitter cut 八成人，唔係靠AI，係留返最好嗰兩成，每個人瞓少好多覺… Twitter/X 運作係唔及以前，不過未執得。(4) 每個顧客/讀者其實只需要一個selling proposition，只不過可能需要多啲proposition 去cater唔同客戶。(5) 近年好多有價值嘅knowledge creation來自cross discipline ，譬如Yuval結合歷史同evolution psychology 。其實好多時見到某一個discipline 好資深嘅從業員（唔一定係學者），去到佢個discipline 邊界嘅時候都會出錯，又或者跳唔出佢個 discipline個框框 。(6) 對於讀者大部份可能唔係有國際關係嘅專業，但係國際關係對於佢哋各自嘅discipline 都可能有影響，正如歷史、科技、經濟等等對國際關係有影響一樣。
lyk
2024-11-24 17:23:07 +0000 UTC三位辛苦了，接收資訊媒介在這個時代的轉變，的確係所有人都要適應，無論係受眾或者創作者。你哋做緊嘅嘢，難度係好高嘅，相信明白你哋嘅觀眾都明。呢兩日幾好呀，你哋可以梳理吓所有事情。Simon 都算骨格精奇㗎啦，生日流流先來做啲咁用腦嘅嘢，希望你多啲休息。講真我哋呢個年紀嘅人，有邊個唔想蹺埋手做幕後enjoy life, 我自己教開英文補習，何嘗唔係想請幾個鬼婆嚟教，自己個個月去日本？哈哈，但係未得就係未得。 我有join你哋，趙氏，陶生，Calvin嘅Patreon ，嗰日用咗喺呢啲平台所學到嘅知識，同人解釋咗一套電影嘅內容，如果你哋話做conserve同埋傳播知識咁你哋嘅platform 一定係做到嘅，只係呢啲嘢一定唔係最賺錢嘅嘢，你諗吓我喺你哋度學咗咁多知識，我都只係比緊幾廿蚊港幣一個月。如果同教育有關最賺錢嘅product，都幾tangible 架。例如搞課程，仲要係要有cert 嘅，幫到搵工嘅; study tour，等人有啲相可以show出嚟話俾人知自己有幾開闊眼界，或者搞比賽，同樣道理。我係屬於有知識有經驗，但係冇資源亦冇能力去做嘅人，但係你哋有資源有能力去做，我覺得真係可以多方面嘗試(for 收入)。我諗我哋必須要去接受，從古至今，知識都唔係令我哋可以賺到最多錢嘅嘢，古代嘅文人都係一樣要有條大水喉射住先至可以唔使捱餓哋創作。你哋做到呢個Level，係好大程度上已經係成功，已經改變緊個生態。只係因為你哋呢啲high flyers想做得更好做得更多啫。支持，加油！
Kady Cheung
2024-11-24 08:56:19 +0000 UTC
