【堅離地博物館 🇬🇧】 《倫敦新聞畫報》1901年的李鴻章病逝特刊
Added 2024-11-27 11:01:03 +0000 UTC在19世紀英國，最著名的中國人有兩個：林則徐和李鴻章。林則徐因為鴉片戰爭而馳名，Madame Tussauds 蠟像館曾經長期有「Commissioner Lin」蠟像示眾，作為招徠。李鴻章則因為長期掌管中國外交，並且曾經進行環遊世界訪問，而有「東方俾斯麥」之稱。李鴻章在1901年病逝時，英國媒體都有大幅悼念報導。
這是1901年的《倫敦新聞畫報》（The Illustrated London News）在李鴻章逝世時刊登的特輯，關於李鴻章訪問英國時的四個經典場面。《倫敦新聞畫報》是全球第一份插畫新聞媒體，如果大家腦海中有印象，大概因為不少插畫都曾經在歷史教科書出現。
這份我購入時據說是 original，從價錢反映應該是，不過其實我也不大能鑑定。
李鴻章訪問英國是在1896年，前後二十日，當時在英國非常轟動，因為這是第一個大清頂級官員訪英，不少人都以獵奇心態迎接。四幅圖分別講述李鴻章獲維多利亞女皇國宴招待（當時李鴻章把蠔殼擇向地下，而女皇牽頭照做，以免他尷尬）；會見英國名相 William Gladstone（二人都被拿來與俾斯麥相提並論）；出席當時首相 Lord Salisbury 的接待派對；在聖保羅大教堂「常勝軍」戰友戈登將軍的棺木前致敬（我們說過戈登夫人贈送名犬而被李鴻章吃掉的故事）。
英國新聞插畫中的李中堂氣派儼然，毫不「辱華」，似乎比起今日某國領袖的形象還要好得多。
出版：The Illustrated London News（1901年）
Comments
不敢當，1945年前的日本近代史很值得研究，特別是和今日中國大陸對比
堅離地書院 College
2024-11-30 01:20:09 +0000 UTC作為香港人，我自問對日本有一種好奇特嘅感覺，由細到大當然聽唔少日軍殘暴嘅暴行。比較思覺失調嘅就係啱啱聽完上一輩講日軍點樣殘忍，下1秒電視播日本嘅卡通唱日本嘅歌，我哋就開開心心咁眼都唔眨睇電視。因為到咗我哋呢一代已經唔會將日軍嘅暴行和佢哋嘅流行文化聯繫起來。但上一輩唔係㗎，我都真係識得有啲長輩，一世唔去日本，一世唔食壽司。大個之後好想去知道更多點解日本會咁成功嘅原因。其實都好想知道日本當其時嘅危機感(見到黑船覺得「仆街啦，我哋再唔努力就會好似中國咁俾人瓜分」嘅覺悟)，係被動地想防衛定話覺得自己都可以有一日好似西方咁犀利。 我都估唔到自己讀英國文學嘅碩士畢業論文竟然係寫日本明治維新時期受到文化殖民對於傳統劇場嘅影響，也許真的放不下對日本發展的興趣。。。。不過當其時相對很年輕，份論文像垃圾一樣，希望有機會重寫，有機會請沈教授指導一下。
Kady Cheung
2024-11-29 02:18:59 +0000 UTC當時反而誠心學習日本 同今日完全唔同
堅離地書院 College
2024-11-28 22:53:49 +0000 UTC係呀係呀，睇完之後係會對呢個角色有種憐憫嘅感覺！加上演員真係做得好嘅！如果晚清其實對日本人係OK，咁也許呢一段戲真係編劇自己嘅心情投射囉，哈哈。
Kady Cheung
2024-11-28 04:21:24 +0000 UTC有拜訪格蘭特將軍遺孀
堅離地書院 College
2024-11-28 02:06:31 +0000 UTC走向共和的李鴻章好有魅力 其實晚清對日本係OK的，好多人去日本留學，光緒曾經考慮搵伊藤博文入閣
堅離地書院 College
2024-11-28 02:05:32 +0000 UTC有冇李鴻章訪問美帝既照片或者故事？可能更有趣
Joe
2024-11-28 00:44:31 +0000 UTC現在才知李鴻章曾去過英國得到優厚款待 ~
Elaine Yip
2024-11-27 17:33:09 +0000 UTC畫報文字稱呼李鴻章做 Prime Minister
KTH
2024-11-27 16:07:40 +0000 UTC很多年前大陸拍的劇集「走向共和」不知道大家有沒有看過，當中李鴻章的形象也當然完全是身負重任但壯志難酬的大英雄。其中有一段對白，我到現在也不時在想，類似是：「英國人對我大清充滿野心，但她不是最難對付的，日本這個小子才是我國大患，就算是一百年後，日本仍是大患！」 我對歷史認識很有限，當然相信這一半是戲劇處理，但我都幾相信，當時的中國人，以至現在，最仇恨嘅應該都係日本。我覺得係有種情意結，想要贏過西方，稱霸世界，談何容易。但係如果講到亞洲，中國同日本就真係都想做大佬。而對於西方人我始終覺得中國人係有一種基因裏面嘅崇拜。但係對於日本，就係妒忌，因為大家都係亞洲人，點解偏偏日本就係優秀咁多？（當然可能而家啲小粉紅，並唔係咁諗，但係或者佢哋係咁諗唔表露出嚟）歷史真的很有趣😄，好似關於人性嘅所有答案都可以喺歷史裏面搵到。
Kady Cheung
2024-11-27 14:47:04 +0000 UTC多謝分享咁經典的新聞畫，好有趣，好細緻，原來都幾大場面。🙏🙏
Aspirin
2024-11-27 11:40:08 +0000 UTC
