如月車站 (3/3)

文：normal
嘉輝感覺很復雜。

這半個月來他一直把自已關進屋裡，門上釘滿木板，直到十天前他父母從歐洲回來。

由於嘉輝的精神處於極不穩定狀態，他的家人就帶了他去看精神科，經專家確診後証實他患上了妄想症，估計是他接受不了女友的慘死而引發。

這天晚上家輝很早喝了點熱鮮奶，就睡在床上準備睡覺，他回憶著那六天看見嘉美的事情。感覺很匪夷所思，究竟那幾天看到的嘉美，是否自已幻想出來？家輝開始不能確定。

“莫非我真係痴左線？定係我其實心底好鐘意嘉美我自已唔知，佢死左打擊到我Short埋？唉，點都好啦，訓醒再算！”

______________

自從到了如月車站後，何明和其他幾個同事苦不堪然。一日一日看著自已在腐爛的身體，誰又真的能接受得到呢，雖然總比直接死掉好一點點。

“如月其實應該係古人常說嘅極樂之境。”何明回憶起早前他第一次遇見長老時說。

長老是一副枯骨，全身上下的肉已經完全腐掉，連骨頭也因為年月久遠而變得泛黃。害何明第一次見他嚇至慘叫。

“歡迎你”長老用十分溫柔的聲音安撫何明。

“我...係咪已經死左？依度係天堂定係地獄？”

“呵呵呵，依個問題恐怕我唔能夠好精準咁答你，因為我同你都一樣，死後唔知點解黎左依度，不過我黎嘅時間比人長，佢地就叫我做長老，我可以講依度一直流傳落黎嘅說法比你知。”

“如月依個地方具體係邊我都唔知，我剩係知道每隔幾年就會有人唔小心跌入黎，最初黎依度嘅古人一般都係失足跌落山而而死嘅人，到左近年黎嘅人全部都係生前坐火車或地鐵嘅。”

“前輩們都推測依個地方為古人搵左好耐嘅《永生之地，極樂之境》，每當遇上某個時間點人到達某一個速度下死亡就會入左黎，所以你地一車人可以一齊黎，其實都算幸福，呵呵我當年死嘅時候只有我一個呢。”

“如月依個地方有兩個特點，一，人入左黎無論佢受左幾重傷身體都會如常運作，就算好似我咁得返D骨都冇問題。二，依度嘅一切事物嘅形象都會隨著你嘅執念而改變。你而家望住我試下同自已講我係一個老伯，你就會知。”
何明照著長老嘅提示試了一試，果然面前的黃骨就變了一個老人家，何明接著也把自已變回生前的樣子為免難受。

“咁點解就只有嘉美好似睇唔出自已已經死左？”何明一邊分散長老的注意力，一面偷偷地把長老幻想變為周秀娜。

“依個情況都唔係冇出現過，有人執念比較強，一到步就不自覺觸動依度嘅奇異能力，所以佢睇到嘅世界就只有佢想象出黎嘅，佢係地鐵身亡就見到自已去左如月地鐵站，佢唔信自已死左就連同所有人都好似在生咁，不過依個女仔嘅執念之強係老夫前所未見，恐怕佢有排都唔會知自已己死左。”

聽到周秀娜叫自已作老夫，何明終於在來如月後首次發笑。雖然還有很多問題未清楚，但何明知道眼前的事已經無法改變，既來之，則安之。

之後幾天何明就忙著和幾個拍檔定居下來，長老也介紹了在如月生活的種種細節和規則，還好這個地方十分的方便，想要什麼一想就會得到。此能力對好色的何明來說就像如魚入水，不亦樂乎。

唯一不同的就是嘉美，對於嘉美，長老和其他所有人都不自覺有了共識，就是沒有人會說破現實給她知，等她自已發現。

此情況一直到第三天，嘉美失戀了。她老是吵著要回去，還想帶何明等人一同回現世。於是何明就問長老有沒有回去的可能。

“呀明，返去嘅事呢我就勸你唔好諗啦，如月界要乜有乜，而且係依度時間係永恆，係依度你唔會有得唔到嘅野，又唔駛返工唔駛供樓，炒隻隻股都一定升，買馬一定贏，唔駛上街就有普選。如果你都唔滿足可以去個空獷嘅地方創造一個自已嘅世界，到你悶左結伴走出去去下旅行，係依度，你就係神！好似我D前輩咁玩到樂而忘返，我都唔記得有幾多十年冇見過佢地啦。”長老此時在何明眼裡變了李佳芯。

“咁但係如月係咪冇辦法出去？”

“又唔係，如果你夾硬要走只好由你入黎果度有個洞試下，洞嘅另一邊係咩我都唔知，有時有前輩係依度住得了無生趣都會入下果度，但就未有人出過黎。”

“既然嘉美堅持要走，我地只有專重佢嘅決定。”

何明當天就和嘉美見長老，帶她走進了那個穿越空間的洞。到底是在如月過著既雖然不真實但又無比快樂的生活好，還是像嘉美一樣去追尋一個無比渺茫但確實真實存在的夢想好呢？何明不知道。

“不過好似嘉美咁執著嘅人，去到邊度都係屬於佢嘅如月世界。”

____________
是夜，嘉輝聽到門鈴響起！

他從床上跳起，立即卷蓋著床單，成一團。此時的他打死也不可能去開門。

門鈴沒人應，繼續響第二次！

奇怪的是父母兩人都沒有去接門，可能他倆以為家輝睡著後外出宵夜去。

門鈴還是不停的響，到了第九次沒人應門，門鈴停止了。

“可能有人送外賣走錯屋呢。”嘉輝還未有結論時，他聽到開門的聲音！

嘉輝此時聞到一股極度濃烈的惡臭，那種味道帶著酸腐和人體的氣味，就像你把死老鼠泡在鮮奶中放進炎熱的床下過了幾星期般。

“Adam.... 你做咩唔聲我電話呀，發生咩事你同我講丫。”

嘉輝的房門慢慢地打開．．．．

無數蒼蠅飛進房間，只見門外的嘉美已經腐爛到極，身上幾處皮肉掉下，見到內裡的白骨。嘉美面上長滿霉菌，深綠到黑色都有。有幾隻蒼蠅還飛到嘉輝的面上，清晰的觸感告訴家輝這一切都是真實。

“你講，你仲愛唔愛我？”嘉美作勢快要撲向嘉輝懷內。

嘉輝終於肯定自已不是痴線的。


全文完
Normal
#太耐冇出文怕比人問係咪比國安拉左
#Ali 同娜姐你揀邊個